മെക്കാനിക്കായ ഒരു ബൈക്ക് പ്രേമിയുടെ പ്രണയവും ആക്ഷനും നിറഞ്ഞ ക്ലീൻ എന്റർടൈനർ ചിത്രം ബുള്ളറ്റ് ഡയറീസ് തിയ്യേറ്ററുകളിൽ വിജയകരമായി പ്രദർശനം തുടരുന്നു. ഡിസംബർ 15- ന് ബുള്ളറ്റ് ഡയറീസ് റിലീസ് ചെയ്തു. ചിത്രത്തിൽ രാജു ജോസഫ് എന്ന കേന്ദ്രകഥാപാത്രമായി ധ്യാൻ ശ്രീനിവാസനും നായികയായി പ്രയാഗ മാർട്ടിനുമാണ് എത്തിയത്. കണ്ണൂർ ജില്ലയിലെ മലയോരമേഖലയാണ് കഥാപശ്ചാത്തലം. ബി 3 എം ക്രിയേഷൻസിന്റെ ബാനറിൽ നവാഗതനായ സന്തോഷ് മണ്ടൂർ സംവിധാനം ചെയ്ത ഈ ചിത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്ത് നിന്നും ലഭിക്കുന്നത്. കോട്ടയം പ്രദീപ് അവസാന നാളുകളിൽ അഭിനയിച്ച ചിത്രം കൂടിയാണ് ബുള്ളറ്റ് ഡയറീസ്.
നർമ്മ മുഹൂർത്തങ്ങളെ വളരെ മികച്ച രീതിയിൽ അഭിനേതാക്കൾ കൈകാര്യം ചെയ്തിട്ടുണ്ടെന്ന് പ്രേക്ഷകർ വിലയിരുത്തി. സന്തോഷ് കീഴാറ്റൂർ, നിഷ സാരംഗ്, ജോണി ആൻറണി, അൽത്താഫ് സലീം, രഞ്ജി പണിക്കർ, സുധീർ കരമന, കോട്ടയം പ്രദീപ്, ശ്രീലക്ഷ്മി, സേതുലക്ഷ്മി, മനോഹരി, തുടങ്ങിയവരാണ് പ്രധാന കഥാപാത്രങ്ങളായി എത്തിയത്. കൈതപ്രത്തിന്റെയും റഫീഖ് അഹമ്മദിന്റെയും വരികൾക്ക് സംഗീതം പകർന്നത് ഷാൻറഹ്മാൻ ആണ്. ഛായാഗ്രഹണം ഫൈസൽ അലിയും എഡിറ്റിങ് രഞ്ജൻ എബ്രഹാമും നിർവഹിച്ചിരിക്കുന്നു.
