“ഒരു ഇടത്തരക്കാരന് പിശുക്ക് ജീവിതം നയിച്ച് തന്റെ സമ്പാദ്യം വർദ്ധിപ്പിക്കാനും വെല്ലുവിളിക്കുകയാണെങ്കിൽ വലിയ ത്തുക ചിലവഴിക്കാനും കഴിയും” ലക്കി ഭാസ്കറിലെ ഈ ഡയലോഗ് ട്രയിലറിലൂടെ സ്വീകരിച്ചിരിക്കുകയാണ് പ്രേക്ഷകർ. നിരവധി സംശയാസ്പദമായ സാഹചര്യങ്ങളെ പ്രദർശിപ്പിച്ചു കൊണ്ടാണ് ലക്കി ഭാസ്കറിലെ ടീസർ പ്രേക്ഷകരിലേക്ക് എത്തിയിരിക്കുന്നത്. അടുത്തിടെ പുറത്തിറങ്ങിയ മഹാനടിയിലൂടെയും സീതാ രാമത്തിലൂടെയും തെലുങ്ക് സിനിമാപ്രേമികൾക്കിടയിൽ ജനപ്രിയത സംമ്പാദിക്കാൻ ദുൽഖറിന് കഴിഞ്ഞിട്ടുണ്ട്.
ബാങ്ക് ക്യാഷറായാണ് ദുൽഖർ എത്തുന്ന ഈ ബഹുഭാഷ ചിത്രം. ധനുഷിനെ നായകനാക്കി വാതി എന്ന ചിത്രത്തിന് ശേഷം വെങ്കി അറ്റ് ലൂരി സംവിധാനം ചെയ്യുന്ന ചിത്രമാണ് ലക്കി ഭാസ്കർ. മീനാക്ഷി ചൌധരിയാണ് ചിത്രത്തിൽ നായികയായി എത്തുന്നത്. സിതാര എന്റർടൈമെൻറ്സിന്റെയും ഫോർച്യൂൺ ഫോർ സിനിമാസിന്റെയും ബാനറിൽ സൂര്യദേവര നാഗ വംശീയും സായ് സൌജന്യയും ചേർന്നാണ് നിർമ്മാണം. ഛായാഗ്രഹണം നിമിഷ് രവി, എഡിറ്റിങ് നവീൻ നൂലി, സംഗീതം ജിവിൻ പ്രകാശ് കുമാർ, തെലുങ്ക്, തമിഴ്, മലയാളം, ഹിന്ദി, കന്നഡ ഭാഷകളിൽ ആണ് ലക്കി ഭാസ്കർ തിയ്യേറ്ററുകളിൽ എത്തുക.
