ടൊവിനോ തോമസ് പ്രൊഡക്ഷന്റെയും വേൾഡ് വൈഡ് ഫിലിംസിന്റെയും ബാനറിൽ ടൊവിനോ തോമസ്, തൻസീർ സലാം, ടിങ്സ്റ്റൺ തോമസ്, റാഫേൽ പ്പോഴോളി പറമ്പിൽ എന്നിവർ ചേർന്ന് നിർമ്മിച്ച് ടൊവിനോ തോമസും ബേസിൽ ജോസഫും പ്രധാനകഥാപത്രങ്ങളായി അഭിനയിക്കുന്ന ചിത്രം മരണമാസ്സിന്റെ ചിത്രീകരണം ആരംഭിച്ചു. ശിവപ്രസാദ് ആണ് ചിത്രത്തിന്റെ സംവിധാനം. ഒരു കോമഡി എന്റർടൈനർ മൂവിയായിരിക്കും മരണമാസ്സ്. ചിത്രത്തിന്റെ പൂജയും സ്വിച്ചോൺ കർമ്മവും കൊച്ചിയിലെ അഞ്ചുമന ക്ഷേത്രത്തിൽ വെച്ച് നടന്നു.
ചിത്രത്തിന്റെ എല്ലാ അണിയറ പ്രവർത്തകരും ചടങ്ങിൽ പങ്കെടുത്തിരുന്നു. രാജേഷ് മാധവൻ, ബാബു ആൻറണി, സിജു സണ്ണി, സുരേഷ് കൃഷ്ണ, എന്നിവരാണ് ചിത്രത്തിലെ മറ്റ് അഭിനേതാക്കൾ. സിജു സന്നിയുടെ കഥയ്ക്ക് തിരക്കഥ ഒരുക്കിയിരിക്കുന്നത് ശിവ പ്രസാദുo സിജു സണ്ണിയും ചേർന്നാണ്. ഛായാഗ്രഹണം നീരജ് രവി, എഡിറ്റിങ് ചമൻ ചാക്കോ, സംഗീതം ജയ് ഉണ്ണിത്താൻ, വരികൾ മുഹ്സിൻ പെരാരി.
