‘ഓരോ വീട്ടിലും രഹസ്യങ്ങളുണ്ട്’ എന്ന ടാഗ് ലൈനോട് കൂടി പ്രേക്ഷകരിലേക്ക് എത്തുന്ന ക്രൈം ഡ്രാമ മൂവി സീക്രട്ട് ഹോമിന്റെ ടീസർ പുറത്തിറങ്ങി. അനിൽകുമാർ രചനയും അഭയകുമാർ കെ സംവിധാനവും നിർവഹിക്കുന്ന ചിത്രം ഉടൻ തിയ്യേറ്ററുകളിലേക്ക് എത്തും.
കേരളത്തിൽ നടന്ന യഥാർഥ സംഭവത്തെ പ്രമേയമാക്കി ഒരുങ്ങുന്ന സിനിമയാണ് സീക്രട്ട് ഹോം. അപർണ്ണ ദാസ്, അനുമോഹൻ, ശിവദ, ചന്തുനാഥ് തുടങ്ങിയയവർ പ്രധാന കഥാപാത്രങ്ങളായി എത്തുന്നു. ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റിങ് രാജേഷ് രാജേന്ദ്രൻ.
