2019- ല്‍ ആന്ധ്രപ്രദേശ് മുഖ്യമന്ത്രി വൈ എസ് രാജശേഖര റെഡ്ഡിയായി മമ്മൂട്ടി എത്തിയ ‘യാത്ര’ എന്ന ചിത്രത്തിന്റെ രണ്ടാംഭാഗം വരുന്നു. ‘യാത്ര 2’ എന്നു പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കി. രണ്ടാം ഭാഗത്തില്‍ രാജശേഖര റെഡ്ഡിയുടെ മകനും ഇപ്പോഴത്തെ ആന്ധ്ര മുഖ്യമന്ത്രിയുമായ വൈ എസ് ജഗന്‍മോഹന്‍ റെഡ്ഡിയായിട്ടാണ് ജീവ എത്തുന്നത്. മഹി വി രാഘവ് സംവിധാനം ചെയ്യുന്ന ചിത്രമാണ് യാത്ര 2. ചിത്രത്തിന്റെ സംവിധാനം മാത്രമല്ല, തിരക്കഥയും മഹി വി രാഘവിന്‍റേതാണ്.
ചിത്രത്തില്‍ റാവു രമേഷ്, ജഗപതി റാവു, സുഹാസിനി മണിരത്നം എന്നിവര്‍ പ്രധാനവേഷത്തില്‍ എത്തുന്നുണ്ട്. 26 വര്‍ഷത്തെ ഇടവേളയ്ക്ക് ശേഷം മമ്മൂട്ടി അഭിനയിച്ച ചിത്രമാണ് യാത്ര. 2004- ല്‍ 1475 കിലോമീറ്ററോളം ആന്ധ്രപ്രദേശിനെ ഏകീകരിക്കുവാനായി അദ്ദേഹം നടത്തിയ പദയാത്രയാണ് ചിത്രത്തില്‍ പ്രധാനമായും ഉണ്ടായിരുന്നത്. മുഖ്യമന്ത്രി പദവിയില്‍ ഇരിക്കുമ്പോള്‍ തന്നെ അദ്ദേഹം 2009 സെപ്തംബര്‍ 2 നു ഹെലികോപ്റ്റര്‍ അപകടത്തില്‍ മരണപ്പെടുകയും ചെയ്തു. ആന്ധ്രപ്രദേശിന്‍റെ രാഷ്ട്രീയ മാനങ്ങളിലേക്ക് കോണ്‍ഗ്രസിനെ ഉറപ്പിക്കുന്നതില്‍ പ്രധാനിയും വൈ എസ് ആയിരുന്നു. 2024 ഫെബ്രുവരി 8- നു തിയ്യേറ്ററുകളിലേക്ക് എത്തുമെന്ന് അണിയറ പ്രവര്‍ത്തകര്‍ അറിയിച്ചു.
