ക്രൈം ത്രില്ലർ ഇൻവെസ്റ്റിഗേഷൻ ചിത്രത്തിൽ ഇന്ദ്രജിത്ത് നായകവേഷത്തിൽ എത്തുന്നു. നവാഗതനായ ജിതിൻ സുരേഷ് ടി സംവിധാനം ചെയ്യുന്ന ചിത്രത്തിന്റെ പ്രീ അനൌൺസ്മെന്റ് ടീസർ റിലീസ് ചെയ്തു. നൊ വേ ഔട്ട് എന്ന ചിത്രത്തിന് ശേഷം റെമൊ എന്റെറടയിമെന്റ്സിന്റെ ബാനറിൽ റെമോഷ് എം എസ് ആണ് ചിത്രം നിർമ്മിക്കുന്നത്. ദീപു എസ് നായർ, സന്ദീപ് സദാനന്ദൻ എന്നിവർ ആണ് ചിത്രത്തിന്റെ തിരക്കഥ തയ്യാറാക്കുന്നത്. ഇന്ദ്രജിത്ത് പൊലീസ് വേഷത്തിൽ എത്തുന്ന ചിത്രമാണിത്.
അജി വർഗീസ്, വിജയരാഘവൻ, നിഷാന്ത് സാഗർ, ദിവ്യ പിള്ള, റെബ മോണിക്ക, തുടങ്ങിയവരും പ്രധാനവേഷത്തിൽ എത്തുന്നു. ഈ ചിത്രം എഡിറ്റ് ചെയുന്നത് നാഗൂരൻ രാമചന്ദ്രൻ ആണ്. സംഗീതം മണികണ്ഠ അയ്യപ്പ നിർവഹിക്കുന്നു. ചിത്രത്തിന്റെ പേരും മറ്റ് വിവരങ്ങളും ഉടനെ പുറത്ത് വിടുമെന്ന് അണിയറ പ്രവർത്തകർ അറിയിച്ചു.
