വിഷ്ണു ഉണ്ണികൃഷ്ണനെ നായകനാക്കി ശ്രീജിത്ത് വിജയൻ എഴുതി സംവിധാനം ചെയ്യുന്ന ഏറ്റവും പുതിയ ചിത്രം ഇടിയൻ ചന്തുവിന്റെ ഉഗ്രൻ സംഘട്ടന രംഗമുള്ള ടീസർ റിലീസായി. പീറ്റർ ഹെയ്ൻ ആണ് ഈ സംഘട്ടന രംഗം ഒരുക്കിയിരിക്കുന്നത്. ക്രിമിനൽ പൊലീസ് ഉദ്യോഗസ്ഥനായ അച്ഛൻ ഇടിയൻ ചന്ദ്രന്റെ തനിപ്പകർപ്പായി വളർന്നു വരുന്ന മകന്റെ കഥയാണ് ചിത്രത്തിലെ പ്രമേയം. ചിത്രത്തിൽ സലിംകുമാറും മകൻ ചന്തു സലീംകുമാറും ഒന്നിച്ചു അഭിനയിക്കുവാൻ എത്തുന്നുണ്ട്. ജൂലൈ 19 ന് ചിത്രം റിലീസ് ആവും. ‘ദി സ്റ്റുഡൻറ്സ് വാർ’ എന്നാണ് ചിത്രത്തിന്റെ ടാഗ് ലൈൻ.
ഹാപ്പി പ്രൊഡക്ഷൻസിന്റെ ബാനറിൽ സുബൈർ, റയിസ്, വിഷ്ണു ഉണ്ണികൃഷ്ണൻ, ഷഫീഖ്, ശ്രീജിത്ത് വിജയൻ എന്നിവരാണ് നിർമാണം. ലാലു അലക്സ്, രമേശ് പിഷാരടി, ലെന, ബിജു സോപാനം, ശ്രീജിത്ത് രവി, ദിനേശ് പ്രഭാകർ, സോഹൻ സീനുലാൽ, സൂരജ് കാർത്തിക്, ഫുക്രു, സ്മിനു സിജോ, ഐ എം വിജയൻ, ജയശ്രീ, വിദ്യ, ഗോപി കൃഷ്ണൻ, ഗായത്രി അരുൺ, ജോണി ആൻറണി എന്നിവരും ചിത്രത്തിലെ മറ്റ് പ്രധാനകഥാപത്രങ്ങളായി എത്തുന്നു. ഛായാഗ്രഹണം വിഘനേഷ് വയസ്, എഡിറ്റിങ് വി സാജൻ, പശ്ചാത്തല സംഗീതം ദീപക് ദേവ്, സംഗീതം അരവിന്ദ് ആർ വാര്യർ, ഗാനരചന സന്തോഷ് വർമ്മ, ശബരീഷ് വർമ്മ.
