മോഹന്‍ലാല്‍ പ്രധാന കഥാപാത്രത്തില്‍ എത്തുന്ന ചിത്രം മലൈക്കോട്ടെ വാലിബന്‍റെ പുത്തന്‍ പോസ്റ്റര്‍ പുറത്തിറങ്ങി. പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ചിത്രമായതു കൊണ്ട് തന്നെ പോസ്റ്റര്‍ വളരെയധികം ശ്രദ്ധിക്കപ്പെട്ടു. ചിത്രത്തെക്കുറിച്ചുള്ള ഓരോ അപ്ഡേറ്റും ആവേശത്തോടെ കാത്തിരിക്കുകയാണ് പ്രേക്ഷകര്‍. മോഹന്‍ലാലിന്‍റെ ക്യാരക്ടര്‍ പോസ്റ്ററാണ് ഇപ്പോള്‍ പുറത്തിറങ്ങി യിരിക്കുന്നത്. ചിത്രത്തിന്റെ കഥയെ കുറിച്ചോ മറ്റ് അഭിനേതാക്കളുടെ കഥാപാത്രങ്ങളെക്കുറിച്ചോ വിവരങ്ങള്‍ പുറത്തുവിടാത്തതാണ് ചിത്രത്തിന്റെ പ്രധാന പ്രത്യേകത.
തീര്‍ത്തൂം സസ്പെന്‍സ് നിലനിര്‍ത്തിക്കൊണ്ടാണ് ഇതുവരെയും മലൈക്കോട്ടെ വാലിബാനെ കുറിച്ചുള്ള അപ്പ്ഡേറ്റുകള്‍ പുറത്തുവന്നുകൊണ്ടിരുന്നത്. 2024- ജനുവരി 25- നു ചിത്രം പുറത്തിറങ്ങുമെന്ന് പോസ്റ്റര്‍ പുറത്തിറക്കിക്കൊണ്ട് പ്രഖ്യാപിച്ചിരിക്കുകയാണ് മോഹന്‍ലാല്‍. ലിജോജോസ് പെല്ലിശ്ശേരി കരിയറില്‍ ഒരുക്കുന്ന ബിഗ് ബജറ്റ് മൂവിയാണ് ‘മലൈക്കോട്ടെ വാലിബന്‍ ‘. ഒരു ഗുസ്തിക്കാരന്‍റെ വേഷത്തില്‍ നില്‍ക്കുന്ന മോഹന്‍ലാലിനെയാണ് പോസ്റ്ററില്‍ കാണുവാന്‍ കഴിയുക.
ഷിബു ബേബി ജോണിന്‍റെ ജോണ്‍ ആന്‍ഡ് മേരി ക്രിയേറ്റിവും മാക്സ് ലാബ്സും സെഞ്ച്വറി ഫിലിംസും ചേര്‍ന്ന് നിര്‍മ്മിക്കുന്ന ചിത്രത്തില്‍ ഹരീഷ് പേരടി, മണികണ്ഠന്‍ ആചാരി എന്നിവരാണ് പ്രധാന കഥാപാത്രങ്ങളായി എത്തുന്നത്. പി എസ് റഫീഖ് തിരക്കഥയും ഛായാഗ്രഹണം മധു നീലകണ്ഠനും പ്രശാന്ത് പിള്ള സംഗീതവും ഒരുക്കുന്നു.
