ദേശീയ പുരസ്കാര ജേതാവും കലാസംവിധായകനും പ്രൊഡക്ഷന്‍ ഡിസൈനറുമായ നിതിന്‍ ചന്ദ്രകാന്ത് ദേശായിയെ സ്വന്തം സ്റ്റുഡിയോയില്‍ വെച്ചു തൂങ്ങിമരിച്ച നിലയില്‍ കണ്ടെത്തി. ആത്മഹത്യയാണെന്ന് പ്രാഥമിക നിഗമനം. നാല് തവണ മികച്ച കലാസംവിധായകനുള്ള ദേശീയ പുരസ്കാരവും മൂന്നു തവണ ഫിലിം ഫെയര്‍ അവാര്‍ഡും നേടിയ ഇദ്ദേഹം ഹിന്ദിയിലും മറാത്തിയിലുമായി നിരവധി സിനിമകള്‍ക്ക് വേണ്ടി പ്രവര്‍ത്തിച്ചിട്ടുണ്ട്.
ഇരുപതു വര്‍ഷത്തോളം നീണ്ടുനിന്ന കലാജീവിതത്തില്‍ ഹാം ദില്‍ കെ ചുകേ സനം, ദേവദാസ്, ലഗാന്‍, പ്രേം രത്തന്‍ ധന്‍ പായോ, ജോധാ അക്ബര്‍, തുടങ്ങിയവ അദ്ദേഹം കലാസംവിധാനം നിര്‍വ്വഹിച്ച ശ്രദ്ധേയ ചലച്ചിത്രങ്ങളാണ്. അശുതോഷ് ഗവാരിക്കര്‍, രാജ് കുമാര്‍ ഹിറാനി, സഞ്ജയ് ലീല, ഭന്‍സാലി തുടങ്ങിയവരുടെ സിനിമകളില്‍ പ്രവര്‍ത്തിച്ചു. മുംബൈ പ്രവര്‍ത്തിക്കുന്ന കര്‍ജാത്തിയിലെ അദ്ദേഹത്തിന്‍റെ എന്‍ ഡി സ്റ്റുഡിയോയിലാണ് മൃതദേഹം കണ്ടെടുത്തത്. കൂടുതല്‍ വിവരങ്ങള്‍ ലഭ്യമല്ല.
