മാര്‍ട്ടിന്‍ പ്രക്കാട്ട് സംവിധാനം ചെയ്ത് കുഞ്ചാക്കോ ബോബന്‍, ജോജു ജോര്‍ജ്ജ്, നിമിഷ സജയന്‍ തുടങ്ങിയവര്‍ പ്രധാന കഥാപാത്രങ്ങളായി എത്തിയ നായാട്ട് തെലുങ്കിലേക്ക് ‘കട്ടബൊമ്മാലി’ എന്ന പേരില്‍ റീമേക്കിന് ഒരുങ്ങുന്നു. ശ്രീകാന്ത്, രാഹുല്‍ വിജയ്, വരലക്ഷ്മി ശരത് കുമാര്‍, ശിവാനി രാജശേഖര്‍ തുടങ്ങിയവര്‍ ചിത്രത്തില്‍ അഭിനയിക്കുന്നു. ജോജു ജോര്‍ജിന്‍റെ കഥാപാത്രം ശ്രീകാന്തും കുഞ്ചാക്കോ ബോബന്‍റെ കഥാപാത്രം രാഹുല്‍ വിജയും നിമിഷയുടെ കഥാപാത്രത്തെ ശിവാനി രാജശേഖരനും കൈകാര്യം ചെയ്യുന്നു.
മൂന്നു പോലീസുകാര്‍ക്ക് ഔദ്യോഗിക ജീവിതത്തിനിടെ അപ്രതീക്ഷിതമായി നേരിടേണ്ടി വരുന്ന പ്രതിസന്ധികളാണ് സിനിമയുടെ വിഷയം. സമകാലികവും സാമൂഹിക- രാഷ്ട്രീയപരവുമായ വിഷയത്തെ ഈ ചിത്രത്തിലൂടെ കൈകാര്യം ചെയ്യുന്നു. ആറ് വര്‍ഷത്തിന് ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്ത ചിത്രത്തിനുണ്‍ ഷാഹിര്‍ കബീര്‍ ആയിരുന്നു തിരക്കഥ.
