സാംസ് പ്രൊഡക്ഷൻസിന്റെ ബാനറിൽ എഴുത്തുകാരനും പ്രവാസിയുമായ മൻസൂർ പള്ളൂർ നിർമ്മിച്ച് മാധ്യമപ്രവർത്തകനും പ്രവാസിയുമായ ഇ എം അഷ്റഫ് സംവിധാനം ചെയ്യുന്ന ഇന്ത്യയിലെ ആദ്യത്തെ A I സിനിമയുടെ പുതിയ ട്രയിലർ റിലീസായി. ഗോകുലം പാർക്ക് ഹോട്ടലിൽ വെച്ചാണ് ചടങ്ങുകൾ നടന്നത്. നിർമാതാവ് സാബു ചെറിയാൻ ആണ് ട്രയിലർ റിലീസ് ചെയ്തത്.
ചിത്രത്തിലെ ഗാനങ്ങളും റിലീസായി. അപർണ്ണ മാൾബറി പാടി നൃത്തം ചെയ്ത ഗാനവും കൂടെ റിലീസ് ചെയ്തു. അമേരിക്കക്കാരിയും സോഷ്യൽ ഇൻഫ്ലൂവെൻസറുമായ അപർണ മൽബെറി നായികയായി എത്തുന്ന ചിത്രമാണ് ‘മോണിക്ക ഒരു A I സ്റ്റോറി’. A I സാങ്കേതിക വിദ്യയെയും കഥാപാത്രത്തെയും ഒരു കഥയിലൂടെ അവതരിപ്പിക്കുന്ന ഇന്ത്യയിലെ തന്നെ ആദ്യ സിനിമയാണ് മോണിക്ക ഒരു A I സ്റ്റോറി. മൻസൂർ പള്ളൂരിന്റെയും ഇ എം അഷ്റഫിന്റേതുമാണ് തിരക്കഥ.
