പ്രേക്ഷകർ ഒന്നടങ്കം കാത്തിരിക്കുന്ന ആടുജീവിതം മൂവിയുടെ മ്യൂസിക്കൽ ലോഞ്ചിങ് ഞായറാഴ്ച കൊച്ചിയിലെ അഡ് ലക്സ് ഇന്റർനാഷണൽ കൺവെൻഷൻ സെന്ററിൽ നടന്നു. എ ആർ റഹ്മാന്റെ സംഗീതത്താൽ സാന്ദ്രമായിരുന്നു ചടങ്ങ്. പൃഥ്വിരാജും അമലപോളും ആണ് പ്രധാന വേഷത്തിൽ അഭിനയിക്കുന്നത്. മാർച്ച് 28 ന് ചിത്രം തിയ്യേറ്ററുകളിൽ എത്തും. മ്യൂസിക്കൽ ലോഞ്ചിൽ ടൊവിനോ തോമസ്, മോഹൻലാൽ, രജിഷ വിജയൻ, റോഷൻ മാത്യു, സത്യൻ അന്തിക്കാട്, ജയരാജ്,രാജീവ് തുടങ്ങിയവർ പങ്കെടുത്തു. ആടുജീവിതം നോവലിന്റെ കർത്താവ് ബെന്യാമിൻ, സംഗീത സംവിധായകൻ എ ആർ റഹ്മാൻ, ആടുജീവിതം നോവലിലെ യഥാർഥ കഥാപാത്രമായ ആലപ്പുഴയിലെ നജീബ്, സൌണ്ട് എഞ്ചിനീയർ റസൂൽ പൂക്കുട്ടി, ഗാനരചയിതാവ് റഫീഖ് അഹമ്മദ്, പൃഥ്വിരാജ്, ബ്ലെസ്സി, തുടങ്ങിയവർ സംസാരിച്ചു.
ജോർദാനിൽ വെച്ചായിരുന്നു ചിത്രത്തിന്റെ ഷൂട്ടിംഗ് സിംഹഭാഗവും നടന്നത്. കഴിഞ്ഞ വര്ഷം ജൂലൈ ചിത്രത്തിന്റെ ഷൂട്ടിംഗ് പൂർത്തിയാക്കി. പൃഥ്വിരാജിന്റെ നായികയായി എത്തിയത് അമല പോൾ ആണ്. ഹോളിവുഡ് നടനായ ജിമ്മി ജിൻ ലൂയിസ്, അറബ് അഭിനേതാക്കളായ താലിബ് അൽ ബലൂഷി, റിക്കബി, കെ ആർ ഗോകുൽ തുടങ്ങി മലയാളത്തിലെഉയും തമിഴിയിലെയും ഹിന്ദിയിലെയും തെലുങ്കിലെയും അഭിനേതാക്കൾ ചിത്രത്തിൽ അണിനിരന്നിട്ടുണ്ട്. സംഗീതം എ ആർ റഹ്മാൻ, ശബ്ദമിശ്രണം റസൂൽപൂക്കുട്ടി, ഛായാഗ്രഹണം സുനിൽ കെ എസ്, എഡിറ്റിങ് ശ്രീകർ പ്രസാദ്.
