അർബുദം: ബോളിവുഡ് നടൻ മെഹമൂദ് ജൂനിയർ അന്തരിച്ചു

നർമ്മത്തിലൂടെ പ്രേക്ഷകരെ ഒന്നടങ്കം കയ്യിലെടുത്ത ബോളിവുഡ് നടനും ഗായകനുമായ  മേഹമൂദ് ജൂണിയർ അന്തരിച്ചു. 67 വയസ്സായിരുന്നു.  അർബുദത്തെ തുടർന്ന് ചികിത്സ നടത്തി വരികയായിരുന്നു. അദ്ദേഹത്തിന്റെ ഉറ്റവ സുഹൃത്തായ സലാം കാസിയാണ് മരണവിവരം സ്ഥിരീകരിച്ചത്. ഒരു മാസം മൂന്നെയാണ് അർബുദം കണ്ടെത്തിയതെന്നും എന്നാൽ പൂർണമായും അർബുദം ശ്വാസകോശത്തെ ബാധിച്ചിരുന്നുവെന്നും നാല്പത് ദിവസങ്ങൾ കൂടി മാത്രമേ മേഹമൂദ് ജീവിച്ചിരിക്കേയുള്ളൂ എന്നു ഡോക്ടർമാർ പറഞ്ഞിരുന്നുവെന്നും സലാം കാസി പറഞ്ഞു. 250- തിലേറെ ചിത്രങ്ങളിൽ ഏഴോളം വിവിധ ഭാഷകളിലായി അഭിനയിച്ചു. ആറു മറാഠി ചിത്രങ്ങൾ നിർമ്മിച്ചു. 1976- ൽ പുറത്തിറങ്ങിയ നൌനിഹാലിൽ എന്ന ചിത്രത്തിൽ ബാലതാരമായി അഭിനയ ജീവിതത്തിന് തുടക്കം കുറിച്ചു. ദാദാഗിരി, ജൂദായി, ഹാഥി മേരേ സാഥി, മെരാ നാം ജോക്കർ, കാരവൻ, തുടങ്ങിയ ചിത്രങ്ങളിൽ ശ്രദ്ധേയമായ അഭിനയമായിരുന്നു.