ഷാജി കൈലാസ് സംവിധാനം ചെയ്ത് മമ്മൂട്ടി നായകനായി എത്തിയ ‘വല്യേട്ടൻ’ മൂവി റീ റിലീസിന് ഒരുങ്ങുന്നു. ചിത്രത്തിൽ മമ്മൂട്ടി അഭിനയിച്ച അറയ്ക്കൽ മാധവനുണ്ണി എന്ന കഥാപാത്രം വമ്പിച്ച ജനപ്രിയത നേടിയിരുന്നു. അമ്പലക്കര ഫിലിംസിന്റെ ബാനറിൽ ബൈജു അമ്പലക്കര , അനിൽ അമ്പലക്കര എന്നിവർ നിർമ്മിച്ച ഈ ചിത്രം ഇരുപത്തിയഞ്ച് വർഷങ്ങൾക്ക് ശേഷം മാറ്റിനി നൌ എന്ന കമ്പിനിയാണ് 4k ഡോൾബി അറ്റ്മോസ് സിസ്റ്റത്തിൽ അവതരിപ്പിക്കുന്നത്.
യു എസ്സിൽ ആണ് ഈ ചിത്രത്തിന്റെ 4k വിഷ്വൽ ട്രാൻസ്ഫർ നടത്തിയിരിക്കുന്നത്. സായ് കുമാർ, ശോഭന, മനോജ് കെ ജയൻ, കലാഭവൻ മണി, വിജയ കുമാർ തുടങ്ങിയവർ ഈ ചിത്രത്തിൽ അഭിനയിച്ചിട്ടുണ്ട്. ഗാനങ്ങൾ ഗിരീഷ് പുത്തഞ്ചേരി, സംഗീതം രാജാമണി, ഛായാഗ്രഹണം രവിവർമ്മൻ, എഡിറ്റിങ് എൽ- ഭൂമിനാഥൻ. സെപ്തംബറിൽ ഈ ചിത്രം പ്രദർശനത്തിന് എത്തും.
