ആഷിഖ് അബൂ സംവിധാനം ചെയ്യുന്ന ഏറ്റവും പുതിയ ചിത്രം റൈഫിൾ ക്ലബ്ബ് എന്ന ചിത്രത്തിൽ ബോളിവൂഡ് സംവിധായകനും നടനുമായ അനുരാഗ് കശ്യപ് പ്രധാന കഥാപാത്രമായ വില്ലനായി എത്തുന്നു. മലയാളത്തിൽ അനുരാഗ് കശ്യപ് ആദ്യമായി അഭിനയിക്കുന്ന ചിത്രം കൂടിയാണിത്.
നേരത്തെ ചിത്രത്തിന്റെ കാസ്റ്റിങ് കോൾ പോസ്റ്ററിന് താഴെ’ അതിഥി വേഷത്തിന് നിങ്ങള്ക്ക് മുംബൈയിൽ നിന്നു ഒരു ഉത്തരേന്ത്യൻ നടനെ ആവശ്യമുണ്ടോ’ എന്ന് അനുരാഗ് കശ്യപ് കമെന്റ് ചെയ്തിരുന്നു. ‘അതേ സർ ജി, സ്വാഗതം’ എന്നായിരുന്നു ആഷിഖ് നല്കിയ മറുപടി. ഉടനെ വില്ലൻ കഥാപാത്രമായി അനുരാഗ് കശ്യപിനെ തിരഞ്ഞെടുക്കുകയും ചെയ്തു. തിരക്കഥ ദിലീഷ് കരുണാകരനും ഷറഫും സുഹാസും നിർവഹിക്കുന്നു. ദിലീഷ് പോത്തൻ, സൌബിൻ ഷാഹിർ തുടങ്ങിയവരും ചിത്രത്തിൽ അഭിനയിക്കുന്നുണ്ട്.
