‘അടിത്തട്ട്’ നാളെ മുതൽ ഒടിടി പ്ലാറ്റ്ഫോമിൽ; ഷൈനും സണ്ണി വെയ് നും പ്രധാന അഭിനേതാക്കൾ

ഷൈൻ ടോം ചാക്കോയും സണ്ണി വെയ് നും പ്രധാനകഥാപാത്രങ്ങളായി എത്തുന്ന ‘അടിത്തട്ട്’ നാളെ മുതൽ ഒടിടി സ്ട്രീമിങ് ആരംഭിക്കുന്നു. ജിജോ ആൻറണി ആണ് സംവിധാനം. ആമസോൺ പ്രൈമിലും മനോരമ മാക്സിലും നാളെമുതൽ പ്രക്ഷേപണം തുടങ്ങും. ഈ ചിത്രം 2022- ൽ മികച്ച രണ്ടാമത്തെ ചിത്രത്തിനുള്ള സംസ്ഥാന ചലച്ചിത്ര പുരസ്കാരവും വിവിധ അന്തർദേശീയ ചലച്ചിത്ര മേളകളിൽ പ്രദർശിപ്പിക്കുകയും ചെയ്തിരുന്നു. ഉൽക്കടലിൽ വെച്ച്  മത്സ്യബന്ധനബോട്ടിൽ നടക്കുന്ന സംഭവങ്ങളിലൂടെയാണ് സിനിമയുടെ കഥ സഞ്ചരിക്കുന്നത്. ഖയിസ് മില്ലന്റെതാണ് രചന. ആടുകളത്തിലെ ജയപാലൻ ആദ്യമായി അഭിനയിക്കുന്ന മലയാള സിനിമ കൂടിയാണ് അടിത്തട്ട്. പ്രശാന്ത് അലക്സാണ്ടർ, മുരുകൻ മാർട്ടിൻ, സാബു മോൻ, ജോസഫ് യേശുദാസ്, എന്നിവരാണ് മറ്റ് അഭിനേതാക്കൾ. ക്യാമറ പാപ്പിനുവും എഡിറ്റിങ് നൌഫൽ അബ്ദുല്ലയും സംഗീതം നസ്സർ അഹമ്മദും നിർവഹിക്കുന്നു.