13- മലയാള സിനിമകള്‍ക്ക് തുടക്കം കുറിച്ച് ചിങ്ങം ഒന്ന്

ചിങ്ങം ഒന്നിന് ചിത്രീകരണം ആരംഭിച്ച് 13 മലയാളം സിനിമകള്‍. രാഹുല്‍ സദാശിവന്‍ സംവിധാനം ചെയ്ത് മമ്മൂട്ടി നായകനാകുന്ന ഹൊറര്‍ ചിത്രം ഭ്രമയുഗം, ജിത്തു ജോസഫ് സംവിധാനം ചെയ്ത് മോഹന്‍ലാല്‍ കേന്ദ്രകഥാപാത്രമായി എത്തുന്ന നേര്, ഷാനവാസ് കെ ബാവക്കുട്ടി സംവിധാനം ചെയ്യുന്ന ചിത്രം, വരുണ്‍ ജി പണിക്കര്‍ സംവിധാനം ചെയ്ത് ഇന്ദ്രജിത്ത് സുകുമാരന്‍, അനൂപ് മേനോന്‍, അലന്‍സിയര്‍, ബൈജു സന്തോഷ് എന്നിവര്‍ അഭിനയിക്കുന്ന ‘ഞാന്‍ കണ്ടതാ സാറേ’, വിഷ്ണു ശര്‍മ സംവിധാനം ചെയ്ത് സുധീഷ്, ജിനീഷ്, മണിക്കുട്ടന്‍, തുടങ്ങിയവര്‍ അഭിനയിക്കുന്ന മൈന്‍റ് പവര്‍, വിനയ് ജോസഫ് സംവിധാനം ചെയ്ത് ധ്യാന്‍  ശ്രീനിവാസന്‍, അജു വര്‍ഗീസ്,  വസിഷ്ട് ഉമേഷ്, ശ്രിത ശിവദാസ് എന്നിവര്‍ അഭിനയിക്കുന്ന ചിത്രം, ബാബുരാജ് ഭക്തപ്രിയം സംവിധാനം ചെയ്യുന്ന ചിത്രം കോഴിക്കോടും സജിന്‍ ലാല്‍ സംവിധാനം ചെയ്യുന്ന ഭാഗ്യലക്ഷ്മിയും ഷാന്‍ നവാസ് സംവിധാനം ചെയ്യുന്ന റെയ്നയും ചിങ്ങം ഒന്നിന് തുടക്കം കുറിച്ചു. മമ്മൂട്ടി നായകനാകുന്ന ഭ്രമയുഗത്തിന്‍റെ ചിത്രീകരണം കൊച്ചിയിലും മോഹന്‍ലാല്‍ നായകനാകുന്ന നേരിന്‍റെ ചിത്രീകരണം തിരുവനന്തപുരത്തും വെച്ചു നടക്കും.