നിലമ്പൂർ പശ്ചാത്തലത്തിൽ ചാലിയാറിന്റെ കഥ പറയുന്ന ചിത്രം കടകൻ മാർച്ച് ഒന്നിന് തിയ്യേറ്ററിലേക്ക് എത്തും. നവാഗതനായ സജിൽ മമ്പാടിന്റെതാണ് കഥയും സംവിധാനവും. ചിത്രത്തിന്റെ തിരക്കഥ ബോധി, എസ് കെ മമ്പാട് എന്നിവർ ചേർന്ന് നിർവഹിക്കുന്നു. പ്രണയ വിലാസം എന്ന ചിത്രത്തിലൂടെ ശ്രദ്ധേയനായ അഭിനേതാവാണ് ഹക്കീം ഷാജഹാൻ. ഒരു ഫാമിലി എന്റർടൈമെന്റ് മൂവിയാണ് കടകൻ. ദുൽഖാർ സൽമാന്റെ ഉടമസ്ഥതയിലുള്ള വേഫറർ ഫിലിംസാനുചിത്രം വിതരണത്തിന് എത്തിക്കുന്നത്.
മണൽ മാഫിയും പോലീസും തമ്മിലുള്ള സംഘർഷമാണ് പ്രമേയം. ഹരിശ്രീ അശോകൻ, ജാഫർ ഇടുക്കി, നിർമ്മൽ പാലാഴി, ബിബിൻ പെരുമ്പിള്ളി, സോന ഒളിക്കൽ, മണികണ്ഠൻ ആർ ആചാരി, സിനോജ് വർഗീസ്, ശരത് സഭ, ഗീതി സംഗീത, തുടങ്ങിയവർ പ്രധാന വേഷത്തിൽ എത്തുന്നു. നിർമ്മാണം ഖലീൽ, സംഗീതം ഗോപി സുന്ദർ, വരികൾ ബേബി ജിൻ, ഛായാഗ്രഹണം ജാസിൽ ജസീൻ.
