2022- ല് രതീഷ് ബാലകൃഷ്ണ പൊതുവാള് സംവിധാനം ചെയ്ത് കുഞ്ചാക്കോ ബോബന് നായകനായി എത്തിയ ‘ന്ന താന് കേസ് കൊട്’ എന്ന ബ്ലോക് ബസ്റ്റര് ചിത്രത്തിലെ സുരേശന്റെയും സുമയുടെയും പ്രണയകഥ പറയുന്ന മറ്റൊരു ചിത്രം സംവിധാനം ചെയ്യാനുള്ള ഒരുക്കത്തിലാണ് രതീഷ് ബാലകൃഷ്ണ പൊതുവാള്. നിരവധി അംഗീകാരങ്ങളാണ് ഈ ചിത്രത്തിന് സംസ്ഥാന ചലച്ചിത്ര അവാര്ഡിലൂടെ കിട്ടിയിട്ടുള്ളത്. ചിത്രത്തില് കുഞ്ചാക്കോ ബോബന് കൊഴുമ്മല് രാജീവനായി എത്തുന്നതാണ് മറ്റൊരു പ്രത്യേകത.
മലയാളത്തിലെ ആദ്യ സ്പിന് ഓഫ് ചിത്രമെന്ന പ്രത്യേകത കൂടിയുണ്ടിതിന്. സിനിമയിലെ പ്രധാന കഥാപാത്രങ്ങളെ വെച്ചല്ലത്തെ ഉപകഥാപാത്രങ്ങളെ കേന്ദ്രമാക്കി നിര്മ്മിക്കുന്ന സിനിമകളെയാണ് സ്പിന് ഓഫ് എന്നു വിശേഷിപ്പിക്കുന്നത്. രാജേഷ് മാധവനും ചിത്ര നായരുമാണ് ചിത്രത്തിലെ പ്രധാന കഥാപാത്രങ്ങള്. പയ്യന്നൂരും കണ്ണൂരുമായി ചിത്രത്തിന്റെ ഷൂട്ടിങ്ങ് നടക്കും. ഇമ്മാനുവല് ജോസഫ്, ജെയ് കെ, രതീഷ് പൊതുവാള്, അജിത്ത് തലപ്പള്ളി, വിവേക് ഹര്ഷന്, തുടങ്ങിയവര് സഹ നിര്മാതാക്കളായി എത്തുന്നു. ഛായാഗ്രഹണം- സബിന് ഊരാളുക്കണ്ടി, എഡിറ്റിങ് ആകാശ് തോമസ്.
