പ്രശസ്ത സിനിമ സംവിധായകനും ഛായാഗ്രഹകനുമായ സംഗീത് ശിവൻ അന്തരിച്ചു. 65- വയസ്സായിരുന്നു. മുംബൈയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. 1990- ൽ രഘുവരൻ നായകനായി എത്തിയ വ്യൂഹം എന്ന ചിത്രത്തിലൂടെയാണ് സംവിധായകനായി അരങ്ങേറ്റം കുറിക്കുന്നത്. പിന്നീട് യോദ്ധ, ഗാന്ധർവ്വം, സ്നേഹപൂർവം അന്ന, ഡാഡി, ജോണി, നിർണ്ണയം, നിരവധി ശ്രദ്ധേയ സിനിമകൾ സംഗീത് ശിവൻ സംവിധാനം ചെയ്തു. ‘ജോണി’ക്ക് മികച്ച കുട്ടികളുടെ സിനിമയ്ക്കുള്ള സംസ്ഥാന അവാർഡ് ലഭിച്ചു.
മലയാളത്തിൽ മാത്രമല്ല ബോളിവൂഡിനും ചിരപരിചിതനാണ് സംഗീത് ശിവൻ. 1997 -ൽ ഡിയോൾ നായകനായി എത്തിയ സോർ എന്ന സിനിമയിലൂടെയാണ് ബോളിവൂഡിൽ അരങ്ങേറ്റം കുറിക്കുന്നത്. പിന്നീട് ചുരാലിയ ഹേ തുംനെ, ക്യാ കൂൾ ഹേ തൂo, അപ്ന സപ്ന മണി മണി, ഏക്- ദ് പവർ ഓഫ് വൺ, ക്ലിക്ക്, യാoല പഗ് ല ദീവാന 2, സന്ധ്യ, തുടങ്ങിയായ ഹിന്ദി സിനിമകൾ അദ്ദേഹം സംവിധാനം ചെയ്തു. സംവിധായകൻ മാത്രമല്ല , പ്രശസ്ത ഫോട്ടോഗ്രാഫറും ഛായാഗ്രഹകനും കൂടിയായ ശിവന്റെ മകനാണ് സംഗീത ശിവൻ. പ്രശസ്ത ഛായാഗ്രഹകരായ സന്തോഷ് ശിവൻ, സംവിധായകൻ സഞ്ജീവ് ശിവൻ എന്നിവരാണ് സഹോദരങ്ങൾ.
