തമിഴ് സംവിധായകന്‍ അറ്റ്ലി സംവിധാനം ചെയ്ത് ഷാരൂഖ് ഖാനും നയന്‍താരയും പ്രധാന കഥാപാത്രങ്ങളായെത്തുന്ന ബ്രഹ്മാണ്ഡ ആക്ഷന്‍ ത്രില്ലര്‍ ചിത്രം ജവാന്‍റെ കേരളത്തിലും തമിഴ് നാട്ടിലുമുള്ള വിതരണാവകാശം സ്വന്തമാക്കിയിരിക്കുകയാണ് ഗോകുലം മൂവീസ്. ഷാരൂഖ് ഖാന്‍ ഒടുവില്‍ അഭിനയിച്ച സൂപ്പര്‍ ഹിറ്റ് ചിത്രം പഠാന് ശേഷമുള്ള ആക്ഷന്‍ ത്രില്ലര്‍ ചിത്രമാണ് ജവാന്‍. തെരി, മെര്‍സല്‍, ബീഗില്‍ തുടങ്ങിയ ഹിറ്റ് തമിഴ് ചിത്രങ്ങള്‍ക്ക് ശേഷം അറ്റ്ലി സംവിധാനം ചെയ്യുന്ന ആദ്യ ബോളിവുഡ് ചിത്രമാണ് ജവാന്‍.
രജനികാന്ത്, മോഹന്‍ലാല്‍, വിനായകന്‍, തമന്ന ഭാട്ടിയ പ്രധാന റോളുകളില്‍ എത്തിയ ജയിലറുടെ കേരളത്തിലുള്ള വിതരണാവകാശം സ്വന്തമാക്കിയതും ഗോകുലം മൂവീസ് ആയിരുന്നു. ജവാനില്‍ വിജയ് സേതുപതി അടക്കമുള്ള വന്‍ താരങ്ങളും അണിനിരക്കുന്നുണ്ട്. സംഗീതം- അനിരുദ്ധ് രവിചന്ദര്‍.
