ഒരു കള്ളന്റെ കഥയെ പ്രമേയമാക്കികൊണ്ട് കോമഡി താരം ശ്രീകുമാർ പൊടിയൻ ആദ്യമായി സംവിധാനം ചെയ്യുന്ന ചിത്രം ‘മനസാ വാചാ’ മാർച്ച് എട്ടിന് തിയ്യേറ്ററുകളിൽ പ്രദർശനത്തിന് എത്തും. ദിലീഷ് പോത്തനാണ് ചിത്രത്തിൽ ധാരാവി ദിനേശ് എന്ന നായക കഥാപാത്രമായി എത്തുന്നത്. മനസാ വാചാ ഒരു ഫൺ ആൻഡ് എന്റർടൈമെന്റ് മൂവിയാണ്. മിനിസ്ക്രീനുകളിലൂടെ കോമഡി പരിപാടികളിൽ ശ്രദ്ധേയനാണ് ശ്രീകുമാർ പൊടിയൻ.
മജീദ് സെയ്ദ് ആണ് ചിത്രത്തിന്റെ തിരക്കഥ. സ്റ്റാർട്ട് ആക്ഷൻ കട്ട് പ്രൊഡക്ഷൻസാണ് നിർമ്മാണം. പ്രശാന്ത് അലക്സാണ്ടർ, അഹാന വിനേഷ്, ജംഷീന ജമാൽ, അസിൻ, സായ് കുമാർ, കിരൺ കുമാർ, ശ്രീജിത്ത് രവി, തുടങ്ങിയവർ പ്രധാന വേഷത്തിൽ എത്തുന്നു. ഛായാഗ്രഹണം എൽദോ ഐസക്, സംഗീതം സുനിൽ കുമാർ പി കെ.
