എഡിറ്ററായ നൌഫൽ അബ്ദുല്ല ആദ്യമായി സംവിധാനം ചെയ്ത ചിത്രം നെല്ലിക്കാംപൊയിൽ നൈറ്റ് റൈഡേഴ്സ്’ എന്ന ചിത്രത്തിന്റെ ആദ്യ ഗ്ലീമ്പ്സ് പുറത്തിറങ്ങി. റൊമാന്റിക് സസ്പെൻസ് ത്രില്ലർ ചിത്രമാണ് ഇത്. ഒക്ടോബർ 10- നു ചിത്രം തിയ്യേറ്ററുകളിൽ പ്രദർശനത്തിന് എത്തും. എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ഹംസ തിരുനാവായ എന്നിവരാണ് ചിത്രം നിർമ്മിക്കുന്നത്. സുനു എ വി, ജ്യോതിഷ് എം എന്നിവരുടേതാണ് രചന.
ഒരു എന്റെറടയിമെന്റ് മൂവിയായിരിക്കും ‘നെല്ലിക്കാംപൊയിൽ നൈറ്റ് റൈഡേഴ്സ്’. മാത്യു തോമസ് ആണ് ചിത്രത്തിലെ നായകനായി എത്തുന്നത്. മീനാക്ഷി ഉണ്ണികൃഷ്ണൻ, അബൂ സലീം,ശരത് സഭ, റോഷൻ ഷാനവാസ്, നസീർ സംക്രാന്തി, ചൈത്ര പ്രവീൺ, മെറിൻ ഫിഫി, റോണി ഡേവിഡ് രാജ്, വിഷ്ണു അഗസ്ത്യ, സിനിൽ സൈനുദ്ധീൻ, നൌഷാദ് അലി, എന്നിവരാണു ചിത്രത്തിലെ മറ്റ് പ്രധാന അഭിനേതാക്കൾ. ഛായാഗ്രഹണം അഭിലാഷ് ശങ്കർ, എഡിറ്റിങ് നൌഫൽ അബ്ദുല്ല.
