പാപ്പച്ചന്‍ എന്ന ഡ്രൈവറുടെ ജീവിത കഥപറയുന്ന ചിത്രം ‘പാപ്പച്ചന്‍ ഒളിവിലാണ്’ തിയ്യേറ്ററിലേക്ക്. നര്‍മ്മപ്രധാനമായ ഈ ചിത്രത്തില്‍ പാപ്പച്ചനായി എത്തുന്നത് സൈജു കുറുപ്പാണ്. ചിത്രത്തിന്റെ പോസ്റ്ററുകളും ടീസറുകളും ഗാനങ്ങളും ഇയ്യിടെ ഏറെ ശ്രദ്ധിക്കപ്പെട്ടിരുന്നു. തോമസ് തിരുവല്ല ഫിലിംസിന്‍റെ ബാനറില്‍ തോമസ് തിരുവല്ലയാണ് ഈ ചിത്രം നിര്‍മ്മിക്കുന്നത്. പൂക്കാലം എന്ന ഹിറ്റ് ചിത്രത്തിന് ശേഷം തോമസ് തിരുവല്ല നിര്‍മ്മിക്കുന്ന ചിത്രം കൂടിയാണിത്.
അജു വര്‍ഗീസ്, ശിവജി ഗുരുവായൂര്‍, ജോണി ആന്‍റണി, ജോളി ചിറയത്ത്, കോട്ടയം നസീര്‍, ജിബു ജേക്കബ്, വീണ നായര്‍ തുടങ്ങിയ താരങ്ങളും ചിത്രത്തില്‍ അണിനിരക്കുന്നു. ഔസേപ്പച്ചന്‍ ഈണമിട്ട ‘മുത്തുക്കുട മാനം’, ‘പുണ്യ മഹാ സന്നിധേ’, ‘കൈ എത്തും ദൂരത്ത്’ തുടങ്ങിയ ഗാനങ്ങള്‍ പ്രേക്ഷകര്‍ ഏറ്റെടുത്തുകഴിഞ്ഞിരുന്നു. ബി കെ ഹരിനാരായണന്‍റെയും സിന്‍റോ സണ്ണിയുടേതുമാണ് വരികള്‍. ഛായാഗ്രഹണം ശ്രീജിത്ത് നായര്‍, എഡിറ്റിങ് രതിന്‍ രാധാകൃഷ്ണന്‍.
