‘റാണി’യില്‍ ഒന്നിച്ച് ബിജു സോപാനവും ശിവാനിയും; ചിത്രം തിയ്യേറ്ററിലേക്ക്

ഫ്ലവേഴ്സിലെ ‘ഉപ്പും മുളകും’ എന്ന പരിപാടിയില്‍ അച്ഛനും മകളുമായി തകര്‍ത്തഭിനയിച്ച ബിജു സോപാനവും ശിവാനിയും പ്രധാന കഥാപാത്രങ്ങളായി അഭിനയിക്കുന്ന ഫാമിലി എന്‍റര്ടൈമെന്‍റ് ചിത്രം ‘റാണി’ തിയ്യേറ്ററുകളിലേക്ക്. ചിത്രം ഒക്ടോബര്‍ 6- നു തിയേറ്ററിലേക്ക് എത്തുന്നു. എസ് എം ടി പ്രൊഡക്ഷന്‍സ്, റഷാജ് എന്‍റര്‍ടൈന്‍മെന്‍റ്സ് എന്നീ ബാനറുകളില്‍ ബിനു ക്രിസ്റ്റഫര്‍, അബ്ദുള്‍ റഷീദ്, മണിക്കുട്ടന്‍, തുടങ്ങിയവരാണ് നിര്‍മ്മിക്കുന്നത്. നിസാമുദ്ദീന്‍ നാസര്‍ സംവിധാനം ചെയ്യുന്ന ഈ ചിത്രത്തിന് U/A സെന്‍സര്‍ സര്‍ട്ടിഫിക്കറ്റ് ലഭിച്ചിട്ടുണ്ട്. ചിത്രത്തിന്‍റെ കഥ മണി എസ് ദിവാകറും നിസാമുദ്ദീന്‍ നാസറിന്‍റെതുമാണ്. മഖ് ബൂല്‍ സല്‍മാന്‍, കുളപ്പുള്ളി ലീല, ജയന്‍ ചേര്‍ത്തല, അന്‍സാര്‍ പള്ളുരുത്തി, കണ്ണന്‍ പട്ടാമ്പി, റിയാസ് പത്താന്‍, ജെന്‍സന്‍ ആലപ്പാട്ട്, ആരോമല്‍ ബി എസ്, കവിത ബൈജു, ദാസേട്ടന്‍ കോഴിക്കോട്, ശ്രീദേവ് പുത്തെടത്ത്, രഞ്ജന്‍ ദേവ് തുടങ്ങിയവര്‍ അഭിനയിക്കുന്നു. ഛായാഗ്രഹണം അരവിന്ദ് ഉണ്ണിയും എഡിറ്റിങ് വി ഉണ്ണികൃഷ്ണനും നിര്‍വഹിക്കുന്നു.