നിവിന് പോളി നായകനായി ഓണത്തിന് പ്രേക്ഷകരിലേക്ക് എത്തുന്ന രാമചന്ദ്ര ബോസ് & കോയുടെ പ്രസ്സ് മീറ്റില് ശ്രദ്ധേയമായി വിനയ് ഫോര്ട്ട്. കട്ടിമീശയും മുടിയും ചുവന്ന ടീഷര്ടും കൂളിങ് ഗ്ലാസുമായാണ് വിനയ് ഫോര്ട്ട് എത്തിയത്. പ്രേക്ഷകര് പ്രതീക്ഷയോടെ കാത്തിരിക്കുന്ന ഫാമിമിലി എന്റര്ടൈമെന്റ് ചിത്രമാണ് രാമചന്ദ്ര ബോസ് & കോ. ഹനീഫ് അദെനി സംവിധാനം ചെയ്യുന്ന ചിത്രത്തിന്റെ ട്രെയിലര് യുട്യൂബില് ട്രെന്ഡിങ് ലിസ്റ്റില് ഒന്നാമത് എത്തിയിരിക്കുകയാണ്.
ഇപ്പോള് ട്രോളുകളിലും മീമുകളിലും ചാര്ലി ചാപ്ലിനും ജഗതിയുടെ ഉമ്മന് കോശിയും വിജയരാഘവന്റെ അലാവുദ്ദീന് റാവുത്തറും ഈ പറക്കും തളികയിലെ കല്യാണ ചെക്കനുമായൊക്കെ തരതമ്യം ചെയ്തു കൊണ്ട് ശ്രദ്ധേയമാണ് വിനയ് ഫോര്ട്ടിന്റെ വേഷം. തമാശയും കാര്യവും പറയുന്ന കഥയാണ് രാമചന്ദ്ര ബോസ് & കോയില് ഉള്ളത്. യു എ ഇ ലും കേരളത്തിലുമാണ് ചിത്രത്തിന്റെ ഷൂട്ടിംഗ് നടന്നത്. ജാഫര് ഇടുക്കി, വിജിലേഷ്, മമിത ബൈജു, ആര്ഷ ബൈജു, തുടങ്ങിയവരും ചിത്രത്തില് അണിനിരക്കുന്നു.
മാജിക് ഫ്രയിംസും പോളി ജൂനിയര് പിക്ചേഴ്സും ചേര്ന്ന് നിര്മ്മിക്കുന്ന ചിത്രത്തില് വിഷ്ണു തണ്ടാശ്ശേരി ഛായാഗ്രഹണവും മിഥുന് മുകുന്ദന് സംഗീത സംവിധാനവും നിര്വഹിച്ചു. ഗാനരചന സുഹൈല് കോയയും എഡിറ്റിങ് നിഷാദ് യൂസഫും സന്തോഷ് രാമന് പ്രൊഡക്ഷന് ഡിസൈനിങ്ങും കൈകാര്യംചെയ്തത്. നൃത്തസംവിധാനം ഇത്തവണ ചലച്ചിത്ര പുരസ്കാരം കിട്ടിയ ഷോബി പോള്രാജാണ് നിര്വഹിച്ചു. സംഘട്ടനം- പ്രഭു, കനല് കണ്ണന്, ജി മുരളി.
