വിപിൻദാസിന്റെ തിരക്കഥയിൽ സാവിൻ സംവിധാനം ചെയ്ത് പ്രേക്ഷക സ്വീകാര്യത നേടിയ വാഴ- ബയോപ്പിക് ഓഫ് എ ബില്ല്യൺ ബോയ്സ്’ എന്ന ചിത്രത്തിന്റെ രണ്ടാം ഭാഗം വരുന്നു. ജയജയജയ ഹേ, ഗുരുവായൂരമ്പലനടയിൽ എന്നിവ വിപിൻദാസ് സംവിധാനം ചെയ്ത സമീപകാലത്ത് ജനപ്രിയ ചിത്രങ്ങളായിരുന്നു. എറണാകുളം ഗോകുലം പാർക്കിൽ വെച്ച് നടന്ന വാഴ’യുടെ വിജയാഘോഷപരിപാടിയിൽ വച്ചായിരുന്നു രണ്ടാം ഭാഗവും ഉടനേയുണ്ടാകുമെന്ന പ്രഖ്യാപനം. വാഴയിൽ അഭിനയിച്ച ഹാഷിർ, അലൻ ബിൻ സിറാജ്, വിനായക്, അജിൻ ജോയ് എന്നിവരാണ് പ്രധാനകഥാപാത്രങ്ങളായി എത്തുക.
WBTS പ്രൊഡക്ഷൻസ്, ഇമാജിൻ സിനിമാസ്, ഐക്കൺ സ്റ്റുഡിയോസ്, സിഗ്നചർ സ്റ്റുഡിയോസ്, എന്നീ ബാനറിൽ വിപിൻദാസ്, ഹാരിസ് ദേശം, പിബി അനീഷ്, ആദർശ് നാരായൺ, എന്നിവർ ചേർന്നാണ് ചിത്രം നിർമ്മിക്കുന്നത്. നർമ്മത്തിന് പ്രാധാന്യം നാൽകിക്കൊണ്ടുള്ള ചിത്രമാണ് വാഴ. 2025 ൽ ചിത്രീകരണം ആരംഭിച്ച് ഓണത്തിന് ചിത്രം തിയ്യേറ്ററുകളിൽ എത്തിക്കാനാണ് പദ്ധതി. ഛായാഗ്രഹണം അഖിൽ ലൈലാസുരൻ.
