കുഞ്ചാക്കോ ബോബന്‍ നായകനായി എത്തുന്ന ചാവേര്‍ എന ചിത്രത്തിന് യു എ സര്‍ട്ടിഫിക്കറ്റ് ലഭിച്ചു. ഒക്ടോബര്‍ അഞ്ചിന് ചിത്രം തിയ്യേറ്ററുകളിലേക്ക് എത്തുന്നു. ടിനു പാപ്പച്ചന്‍ സംവിധാനം ചെയ്യുന്ന ചിത്രമാണ് ചാവേര്‍. കുഞ്ചാക്കോ ബോബന്‍, അര്‍ജുന്‍ അശോകന്‍, ആന്‍റണി വര്‍ഗീസ് തുടങ്ങിയവര്‍ പ്രധാന കഥാപാത്രങ്ങളായി എത്തുന്ന ചാവേറിന്‍റെ പുത്തന്‍ ട്രെയിലര്‍വൈറലായിരുന്നു. 40 ലക്ഷത്തോളം പേരാണ് ഇതിനോടകം ട്രൈലര്‍ കണ്ടിരിക്കുന്നത്.
പാര്‍ട്ടിക്ക് വേണ്ടി രക്തവും മാംസവും ത്യജിക്കുവാന്‍ തയ്യാറുള്ള ഒരുകൂട്ടം ആളുകളുടെ കഥയാണ്. ത്രില്ലിംഗ് രംഗങ്ങളോടെ പുറത്തിറങ്ങിയ ചിത്രത്തിന്റെ ട്രൈലര്‍ സിനിമ പ്രേക്ഷകരെ ആവേശം കൊള്ളിക്കുന്നതാണ്. ചാവേറിന്‍റെ ട്രെയിലര്‍ ഇതിനോടകം ഏറ്റെടുത്ത് കഴിഞ്ഞു. സ്വന്തം ജീവിതവും ജീവനും കുടുംബവും ഹോമിച്ച് പാര്‍ട്ടിക്ക് വേണ്ടി കൊല്ലാനും ചാവാനും തയ്യാറാകുന്ന ഉയിര് കൊടുക്കുന്നവരുടെ പൊളിറ്റിക്കല്‍ ട്രാവല്‍ ത്രില്ലര്‍ ചിത്രമാണ് ചാവേര്‍.
ടിനു പാപ്പച്ചന്‍ സംവിധാനം ചെയ്യുന്ന മൂന്നാമത്തെ ചിത്രമാണ് ചാവേര്‍. സ്വാതന്ത്ര്യം അര്‍ദ്ധരാത്രിയില്‍, അജഗജാന്തരം തുടങ്ങിയവയാണ് ടിനു പാപ്പച്ചന്‍റെ മറ്റ് സിനിമകള്‍. കണ്ണൂര്‍ പശ്ചാത്തലാമാക്കിയുള്ള ചിത്രത്തിന്റെ തിരക്കഥ ജോയ് മാത്യുവിന്‍റേതാണ്. കാവ്യ ഫിലിം കമ്പനിയുടെയും അരുണ്‍ നാരായണന്‍ പ്രൊഡക്ഷന്‍സിന്‍റെയും ബാനറില്‍ അരുണ്‍ നാരായണനും വേണു കുന്നപ്പിള്ളിയും ചേര്‍ന്ന് ചിത്രം നിര്‍മ്മിക്കുന്നു. ഛായാഗ്രഹണം ജിന്‍റോ ജോര്‍ജ്ജ്, സംഗീതം ജസ്റ്റിന്‍ വര്‍ഗീസ്, എഡിറ്റിങ് നിഷാദ് യൂസഫ്.
