ഡോ: ജഗത് ലാല്‍ ചന്ദ്രശേഖര്‍ സംവിധാനം ചെയ്ത് പുതുമുഖം ആദിത്യ സായ് നായകനാകുന്ന ആദ്യ ചിത്രം മായാവനത്തിന്‍റെ ഷൂട്ടിംഗ് പൂര്‍ത്തിയായി. സായ് സൂര്യ ഫിലിംസ് ആദ്യമായി നിര്‍മ്മിക്കുന്ന ചിത്രം കൂടിയാണ് മായാവനം. ചിത്രത്തിന്റെ ടൈറ്റില്‍ പോസ്റ്റര്‍ നടന്‍ ഉണ്ണി മുകുന്ദന്‍ സോഷ്യല്‍ മീഡിയയിലൂടെ പുറത്തു വിട്ടു. ഷൊര്‍ണൂര്‍, വാഗമണ്‍ എന്നിവിടങ്ങളിലായാണ് ഷൂട്ടിംഗ്. മെഡിക്കല്‍ കോളേജിലെ നാലു വിദ്യാര്‍ഥികളുടെ ജീവിതകഥയാണ് ചിത്രത്തില്‍.
ആക്ഷന്‍ സര്‍വൈവല്‍ ചിത്രമായ മായാവനത്തിന്‍റെ രചനയും സംഗീതവും നിര്‍വഹിച്ചിരിക്കുന്നതും സംവിധായകനാണ്. ജാഫര്‍ ഇടുക്കി, ശുദ്ധി കോപ്പ, ഗൌതം ശശി, ശ്യാംഭവി സുരേഷ്, ആമിന നിജാം, സെന്തില്‍ കൃഷ്ണ, ശ്രീകാന്ത് മുരളി, അരുണ്‍ ചെറുകാവില്‍, റിയാസ് നെടുമങ്ങാട്, തുടങ്ങിയവര്‍ പ്രധാന വേഷത്തില്‍ എത്തുന്നു. ഗാനരചന റഫീഖ് അഹമ്മദ്, ഛായാഗ്രഹണം ജോമോന്‍ തോമസ്, എഡിറ്റിങ് സംജിത് മുഹമ്മദ്.
