നരേൻ നായകനായി എത്തുന്ന മിസ്റ്ററി ഹൊറർ ത്രില്ലർ ചിത്രം ‘ആത്മ’യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. സുഗീത് ആണ് സംവിധാനം നിർവഹിക്കുന്നത്. രാകേഷ് എൻ ശങ്കറിന്റെതാണ് ചിത്രത്തിന്റെ കഥയും തിരക്കഥയും. നടൻ ജയം രവിയാണ് സോഷ്യൽ മീഡിയയിലൂടെ പോസ്റ്റർ റിലീസ് ചെയ്തത്. ഓട്ടിസം ബാധിച്ച ഒരു ചെറുപ്പക്കാരനായാണ് നരേൻ എത്തുന്നത്. അദ്ദേഹം താമസിക്കുന്ന വീട്ടിൽ നിന്നും കേൾക്കേണ്ടി വരുന്ന അപരിചിതമായ ഒരു സ്ത്രീ ശബ്ദത്തിന് പിന്നാലെയുള്ള അന്വേഷണമാണ് ചിത്രത്തിലെ പ്രമേയം.
മികച്ച തിയ്യേറ്റർ അനുഭവമായിരിക്കും പ്രേക്ഷകർക്കു ആത്മ നല്കുകയെന്ന് അണിയറ പ്രവർത്തകർ അവകാശപ്പെടുന്നു. യു എ ഇ ലെ കദ്രിസ് എന്റർടൈമെന്റിന്റെ ബാനറിൽ നജീബ് കദ്രിയാണ് നിർമ്മാണം. ശ്രദ്ധ ശിവദാസ് ആണ് നായിക. കനിക, വിജയ് ജോണി, ബാല ശരവണൻ, കാളി വെങ്കട്ട്, തുടങ്ങിയവരും പ്രധാന കഥാപാത്രങ്ങളായി എത്തുന്നു. ഫിലിപ്പിനോ താരങ്ങളായ ഷെറീസ് ഷീൻ അഗദും ക്രിസ്റ്റീൻ പെന്റിക്കോയും അഭിനയിക്കുന്നുണ്ട്. ദുബായിലായിരുന്നു സിനിമയുടെ പൂർണ ചിത്രീകരണം നടന്നത്. സംഗീതം മാങ്ങൽ സുവർണ്ണൻ,
