മലയാളത്തിലെ ഹിറ്റ് സിനിമകളുടെ സംവിധായകൻ, വിട പറഞ്ഞ് ഷാഫി

മലയാളസിനിമയ്ക്കു എക്കാലത്തും ഓർമ്മിക്കുവാൻ മികച്ച ഹിറ്റ് സിനിമകൾ സമ്മാനിച്ച സംവിധായകൻ ഷാഫി അന്തരിച്ചു. ഏറെ നാളുകളായി അലട്ടിക്കൊണ്ടിരിക്കുന്ന കഠിനമായ തലവേദനയും ഉറക്കമില്ലായ്മയും കാരണം ചികിത്സ തേടിയ അദ്ദേഹത്തെ തീവ്രപരിചരണത്തിലൂടെ തലച്ചോറിൽ രക്തസ്രാവം കണ്ടെത്തുകയായിരുന്നു. ശസ്ത്രക്രിയ കഴിഞ്ഞു എങ്കിലും ആരോഗ്യ നിലവഷളായി. തുടർന്ന് വെന്റിലേറ്ററിന്റെ സഹായത്തോടെ ആയിരുന്നു മുന്നോട്ട് പോയത്. രാജസേനൻ 1995- ൽ സംവിധാനം ചെയ്ത ‘ആദ്യത്തെ കണ്മണി’ എന്ന സിനിമയിലൂടെ അസിസ്റ്റന്റ് ഡയറക്ടറായി തുടക്കം. പിന്നീട് ജയറാം നായകനായി എത്തിയ ‘വൺമാൻ ഷോ’ എന്ന ചിത്രത്തിലൂടെ സ്വതന്ത്ര്യ സംവിധായകനായി തുടക്കം കുറിച്ചു. പിന്നീട് പുറത്തിറങ്ങിയ സിനിമകളെല്ലാം ഹിറ്റായി. കല്യാണരാമൻ, തൊമ്മനും മക്കളും, പുലിവാൽ കല്യാണം, ചോക്ലേറ്റ്, ചട്ടമ്പിനാട്, മായാവി, മേരിക്കുണ്ടൊരു കുഞ്ഞാട്, തുടങ്ങി പതിനേഴോളം  സിനിമകൾ സംവിധാനം ചെയ്തു. 2022- ൽ പുറത്തിറങ്ങിയ ‘ആനന്ദം പരമാനന്ദം’ ആണ് ഒടുവിലത്തെ സിനിമ. കൂടാതെ ഷാഫി തന്നെ സംവിധാനം ചെയ്ത മേക്കപ്പ് മാൻ, ‘101 വെഡ്ഡിംഗ്സ്’,എന്നീ ചിത്രങ്ങൾക്ക് കഥയും  സംവിധായകൻ സച്ചിക്കൊപ്പം ‘ഷെർലക് ഹോംസിൽ തിരക്കഥയും എഴുതി. ലോലിപോപ്’, ‘101- വെഡ്ഡിംഗ്സ്’ എന്നീ ചിത്രങ്ങളുടെ നിർമാതാവും കൂടിയാണ് ഷാഫി.