ത്രയം, നമുക്ക് കോടതിയിൽ കാണാം എന്നീ ചിത്രങ്ങൾക്ക് ശേഷം സജിത്ത് ചന്ദ്രസേനൻ തിരക്കഥ എഴുതി സംവിധാനം ചെയ്യാൻ പോകുന്ന പുതിയ ചിത്രത്തിന്റെ പൂജയും സ്വിച്ചോൺ കർമ്മവും ചോറ്റാനിക്കര അമ്പലത്തിൽ വെച്ച് നടന്നു. നിരവധി പുതുമുഖങ്ങൾ അണിനിരക്കുന്ന സിനിമയാണിത്. 90 കളിലെ പാലക്കാട് വെച്ച് നടന്ന ഒരു ക്രൈമും തുടർന്നുണ്ടാകുന്ന സംഭവവികാ സങ്ങളുമാണ് ഇതിവൃത്തം. പ്രശസ്ത നടനും തിരക്കഥ കൃത്തുമായ രഞ്ജിപണിക്കർ ഭദ്രദീപം തെളിയിച്ചു.
വൈ എന്റർടൈമെന്റ്സ് മാനേജിങ് ഡയറക്ടർ മനു പദ്മനാഭൻ നായർ, ലൂമിനാർ ഫിലിംസ്, മാനേജിങ് ഡയറക്ടർ ജിജോ മാത്യു, ഡയറക്ടർ രഞ്ജിത്, ഗോപകുമാർ, ഡയറക്ടർ സജിത്ത് ചന്ദ്രസേനൻ, സംഗീത സംവിധായകൻ രാഹുൽ സുബ്രഹ്മണ്യം, എഡിറ്റർ സാഗർ ദാസ്, ക്യാമറാമാൻ മാത്യു പ്രസാദ്, പ്രപജക്റ്റ് ഡിസൈനർ എൻ എസ് രതീഷ്, വിനോദ്വേണുഗോപാൽ തുടങ്ങിയവർ ഭദ്രദീപം കൊളുത്തി. തിരക്കഥകൃത്ത് ദേവ്ദത്ത് ഷാജി ക്ലാപ്പടിച്ചു,. സിനു സിദ്ധാർഥ് സ്വിച്ചോൺ കർമ്മം നിർവഹിച്ചു. സരയൂ, ബഷീർ ബാഷി, ആൽഫി പഞ്ഞിക്കാരൻ, ഡയറക്ടർ ചാൾസ് തുടങ്ങിയവർ ചടങ്ങിൽ പങ്കെടുത്തു.
