ഭഗത് മാനുവലും കൈലാഷും അഷ്ക്കറും ‘ഒരപാര കല്യാണവിശേഷത്തിൽ’; നവംബർ 30-ന് ചിത്രം തിയ്യേറ്ററിലേക്ക്

ഭഗത് മാനുവലിനെയും കൈലാഷിനെയും അഷ്ക്കറെയും പ്രധാന കഥാപാത്രങ്ങളാക്കി നവാഗതനായ അനീഷ് പുത്തൻപുര രചനയും സംവിധാനവും നിർവഹിക്കുന്ന ചിത്രം ‘ഒരപാര കല്യാണവിശേഷത്തിൽ’ നവംബർ 30- ന് തിയേറ്ററിൽ എത്തുന്നു. സർക്കാർ ജോലിയില്ലാത്തത് കാരണം പെണ്ണ് കിട്ടാത്ത ഒരുകൂട്ടം ചെറുപ്പക്കാരുടെ കഥയാണിത്. ഭഗത് മാനുവൽ, കൈലാഷ്, അഷ്ക്കർ സൌദാൻ, മനോജ് കുമാർ കരുവാത്ത്, ശിവാനി ഭായി, സന്തോഷ് കീഴാറ്റൂർ, ശിവദാസ് മട്ടന്നൂർ, ഭീമൻ രഘു, അജയൻ വടക്കയിൽ, ശിവജി ഗുരുവായൂർ, ഉല്ലാസ് പന്തളം, സുധീർ പറവൂർ, കണ്ണൂർ ശ്രീലത, രശ്മി അനിൽ, ശിവദാസ് മാറമ്പിള്ളി, നസീർ സംക്രാന്തി തുടങ്ങിയവർ ചിത്രത്തിൽ അഭിനയിക്കുന്നു. സ്ക്രീൻ വ്യൂ പ്രൊഡക്ഷൻസിന്റെയും വാകേരി സിനിമാസിന്റെയും ബാനറിൽ അജയൻ വടക്കയിൽ, പുരുഷോത്തമൻ ഇ പിണറായി, മനോജ് കുമാർ കരുവാത്ത്,  തുടങ്ങിയവരാണ് ചിത്രം നിർമ്മിക്കുന്നത്. ഛായാഗ്രഹണം ഷമീർ ജിബ്രാൻ, എഡിറ്റിങ് പി സി മോഹൻ, സംഗീതം ഹരികുമാർ ഹരേറാം, ഗാനരചന പ്രേംദാസ് ഇരുവള്ളൂർ, പ്രമോദ് വെള്ളച്ചാൽ.