‘ബ്രൂസ് ലീ ‘ ചിത്രം ഉപേക്ഷിച്ച് ഉണ്ണി മുകുന്ദന്‍

ഗോകുലം മൂവീസിന്‍റെ ബാനറില്‍ ഗോകുലം ഗോപാലന്‍ ബിഗ് ബജറ്റ് ചിത്രത്തില്‍ ഒരുക്കാനിരുന്ന ‘ബ്രൂസ് ലി’യുടെ നായക കഥാപാത്രത്തെ ഉപേക്ഷിച്ച് ഉണ്ണി മുകുന്ദന്‍. കോഴിക്കോട് ഗോകുലം ഗലേറിയ മാളില്‍ വെച്ച് കുറച്ചു മാസങ്ങള്‍ക്ക് മുന്‍പായിരുന്നു ചിത്രത്തിന്‍റെ പ്രഖ്യാപനം നടത്തിയത്. മല്ലു സിംഗ് എന്ന ചിത്രത്തിന് ശേഷം ഉണ്ണി മുകുന്ദനെ നായകനാക്കി വൈശാഖ് സംവിധാനം ചെയ്യാന്‍ തീരുമാനിച്ചിരുന്ന സിനിമയായിരുന്നു ബ്രൂസ് ലി. എന്നാല്‍ സിനിമ ഉപേക്ഷിച്ച വാര്‍ത്തയാണിപ്പോള്‍ പുറത്തു വരുന്നത്. ഇപ്പോള്‍ സിനിമ ഉപേക്ഷിച്ചതായുള്ള വാര്‍ത്ത സ്ഥിരീകരിച്ചു കൊണ്ട് മുന്നോട്ട് വന്നിരിക്കുകയാണ് ഉണ്ണി മുകുന്ദന്‍. ‘അതേ സുഹൃത്തെ. ദൌര്‍ഭാഗ്യവശാല്‍ ബ്രൂസ് ലി ഉപേക്ഷിക്കേണ്ടതായി വന്നു.  ക്രിയേറ്റീവ് ആയ കാരണങ്ങളിലാണ് അത് വേണ്ടിവന്നത്. പക്ഷേ, അതേ ടീം മറ്റൊരു പ്രൊജക്ടിന് വേണ്ടിയുള്ള ജോലികളിലാണ്. അത് ഒരു ആക്ഷന്‍ ചിത്രമാകുവാനാണ് സാധ്യത. കാലം എന്താണോ ആവശ്യപ്പെടുന്നത് അതനുസരിച്ചാവും ആ ചിത്രം. അടുത്ത വര്‍ഷം തന്നില്‍ നിന്നും ഒരു ആക്ഷന്‍ ചിത്രം പ്രതീക്ഷിക്കാം. ഉണ്ണി മുകുന്ദന്‍ പറഞ്ഞു. സിനിമ ഉപേക്ഷിച്ചോ എന്ന ചോദ്യത്തിന് മറുപടിയായാണ് ഉണ്ണി മുകുന്ദന്‍ ഇപ്രകാരം കുറിച്ചത്