ബേസിലും നശ്രീയയും പ്രധാനകഥാപാത്രങ്ങളായി എത്തുന്ന ചിത്രം സൂക്ഷ്മദർശിനിയുടെ ഏറ്റവും പുതിയ ട്രയിലർ പുറത്ത്. നവബർ 22- ന് തിയ്യേറ്ററുകളിൽ പ്രദർശനത്തിന് എത്തും. എം സി ജിതിൻ ആണ് ചിത്രത്തിന്റെ സംവിധാനം. ഹാപ്പി ഹവേർസ് എന്റർടയിമെന്റ്സ്, എ വി എ പ്രൊഡക്ഷൻസ് എന്നീ ബാനറിൽ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ആണ് നിർമ്മാണം. എം സി ജിതിൻ, അതുൽ രാമചന്ദ്രൻ, എന്നിവരുടെ കഥയ്ക്ക് ഇവർ തന്നെയാണ് തിരക്കഥയും സംഭാഷണവും ഒരുക്കിയിരിക്കുന്നത്.
ഒരു ഇടവേളയ്ക്ക ശേഷം നസ്രിയ നായികയായി എത്തുന്ന ചിത്രം എന്ന സവിശേഷത കൂടി സൂക്ഷ്മദർശിനിക്കുണ്ട്. ദീപക് പറമ്പോൽ, സിദ്ധാർഥ് ഭരതൻ, മെറിൻ ഫിലിപ്പ്, പൂജ മോഹൻ രാജ്, അഖില ഭാർഗവൻ, റീനി ഉദയകുമാർ, മുസ്കാൻ ബിസാരിയ, അപർണ റാം, ജയ കുറുപ്പ്, ബിന്നി റിങ്കി, നന്ദൻ ഉണ്ണി, ആതിര രാജീവ്, മിർസ ഫാത്തിയ, അഭിറാം പൊതുവാൾ, കോട്ടയം രമേശ്, നൌഷാദ് അലി തുടങ്ങിയവർ മറ്റ് കഥാപാത്രങ്ങളായി എത്തുന്നു. ഛായാഗ്രഹണം ശരൺ വേലായുധൻ.
