ബിജു മേനോനും സുരേഷ് ഗോപിയും മിഥുന്‍ മാനുവല്‍ തോമസും ലിസ്റ്റില്‍ തോമസും ആദ്യമായി ഒന്നിച്ച് നവാഗതനായ അരുണ്‍ വര്‍മ്മ സംവിധാനം ചെയ്യുന്ന ചിത്രം ‘ഗരുഡ’ന്‍റെ ചിത്രീകരണം പൂര്‍ത്തിയായി. മാജിക് ഫ്രയിംസ് ഫിലിംസിന്റെ ബാനറില്‍ ലിസ്റ്റിന്‍ സ്റ്റീഫന്‍ നിര്‍മ്മിക്കുന്ന ചിത്രത്തില്‍ കഥ എം ജിനീഷും തിരക്കഥ എഴുതിയിരിക്കുന്നത് മാനുവല്‍ തോമസുമാണ്. അഞ്ചാം പാതിര എന്ന ചിത്രത്തിന് വേണ്ടിയാണ് മാനുവല്‍ തോമസ് ഒടുവില്‍ തിരക്കഥ എഴുതിയത്.
ഒരു ക്രൈം ത്രില്ലര്‍ ചിത്രം കൂടിയാണ് ഗരുഡന്‍. കളിയാട്ടം, പത്രം, ക്രിസ്ത്യന്‍ ബ്രദര്‍സ്, എഫ് ഐ ആര്‍, ട്വന്‍റി ട്വന്‍റി, രാമരാവണന്‍ തുടങ്ങിയ സൂപ്പര്‍ ഹിറ്റ് ചിത്രത്തിന് ശേഷം പതിനൊന്നു വര്‍ഷത്തെ ഇടവേളയ്ക്കൊടുവില്‍ ബിജു മേനോനും സുരേഷ് ഗോപിയും ഒന്നിച്ചു അഭിനയിക്കുന്നു എന്ന പ്രത്യേകത കൂടി ഈ ചിത്രത്തിനുണ്ട്. സംഗീതവും പശ്ചാത്തല സംഗീതവും ജേക്സ് ബിജോയിയും എഡിറ്റിങ് ശ്രീജിത്ത് സാരംഗും നിര്‍വഹിക്കുന്നു.
