സൌദി അറേബ്യയിലെ ദമാമിൽ വെച്ച് നടന്ന ചടങ്ങിൽ അറബ് സംവിധായകനും നിർമ്മാതാവും നടനും എഴുത്തുകാരനുമായ സമീർ അൽ നാസ്സർ ‘മോണിക്ക: ഒരു എ ഐ സ്റ്റോറി’യുടെ ഫസ്റ്റ് ലുക്ക് പോസ്റ്റർ പ്രകാശിപ്പിച്ചു. എ ഐ സാങ്കേതികവിദ്യയെയും കഥാപാത്രത്തെയും അവതരിപ്പിക്കുന്ന ഈ ചിത്രത്തിന്റെ കഥയും സംവിധാനവും നിർവഹിക്കുന്നത് ഇ എം അഷ്റഫ് ആണ്. പ്രശസ്ത ശാസ്ത്രജ്ഞനും അറ്റോമിക്സ് കമ്പനിയുടെ സി ഇ ഒ ഡോ: മാത്യു എം സാമുവ, നിർമ്മാതാവ് മൻസൂർ പള്ളൂർ, സപ്ത ശ്രീജിത്ത്, തുടങ്ങിയവർ ചടങ്ങിൽ പങ്കെടുത്തു.
അമേരിക്കക്കാരിയായ അപർണ മൾബറിയാണ് എ ഐ കഥാപാത്രമായി എത്തുന്നത്. ഗോപിനാഥ് മുതുകാട്, മാളികപ്പുറം ഫെയിം ശ്രീപദ്, മണികണ്ഠൻ, കണ്ണൂർ ശ്രീലത, പ്രസന്നൻ പിള്ള, സിനി എബ്രഹാം, പി കെ അബ്ദുള്ള, ആൻമീര ദേവ്, ഷിജിത്ത് മണവാളൻ, പ്രീതി കീക്കാൻ, വീഞ്ചു വിശ്വനാഥ്, ഹരി കാഞ്ഞങ്ങാട്, അജയൻ കല്ലായി, ആൽബർട്ട് അലക്സ്, ആനന്ദജ്യോതി, അലൻ, അനിൽ ബേബി, ശുഭ കാഞ്ഞങ്ങാട്, ഹാതീം തുടങ്ങിയവർ ചിത്രത്തിലെ മറ്റ് കഥാപാത്രങ്ങളായി എത്തുന്നു. എഡിറ്റിങ് ഹരി ജി നായർ, വി എഫ് എക്സ് വിജേഷ് സി ആറും നിർവഹിക്കുന്നു. സംഗീതം യൂനുസിയോ, പശ്ചാത്തല സംഗീതം റോണി റാഫെൽ, ഗാനരചന പ്രഭാവർമ്മ. മെയ് മാസം ചിത്രം റിലീസാവും.
