കിച്ചാപ്പൂസ് എന്റർടൈമെന്റ്സിന്റെ ബാനറിൽ കെ ജി അനിൽകുമാർ നിർമ്മിച്ച് പി ജി പ്രേംലാൽ സംവിധാനം ചെയ്യുന്ന ചിത്രം പഞ്ചവത്സര പദ്ധതി ഏപ്രിൽ 26 ന് തിയ്യേറ്ററുകളിൽ പ്രദർശത്തിന് എത്തും. സിജു വിത്സൻ ആണ് ചിത്രത്തിൽ നായകനായി എത്തുന്നത്. തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെ ശ്രദ്ധേയനായ സജീവ് പാഴൂര് ആണ് തിരക്കഥ.
പി പി കുഞ്ഞികൃഷ്ണൻ, നിഷ സാരംഗ്, സിബി തോമസ്, ഹരീഷ് പെങ്ങൻ, ജോളി ചിറയത്ത്, ലാലി മരയ്ക്കാർ, തുടങ്ങിയവർ പ്രധാന കഥാപാത്രങ്ങളായി എത്തുന്നു. പുതുമുഖം കൃഷ്ണേന്ദു എം മേനോൻ ആണ് നായികയായി എത്തുന്നത്. ഛായാഗ്രഹണം ആൽബി, ഗാനരചന റഫീഖ് അഹമ്മദ്, ഏങ്ങണ്ടിയൂർ ചന്ദ്രശേഖരൻ, സംഗീതം ഷാൻ റഹ്മാൻ, എഡിറ്റിങ് കിരൺ ദാസ്.
