മമ്മൂട്ടിയെയും പാർവതിയെയും പ്രധാനകഥാപാത്രങ്ങളാക്കി റത്തീന സംവിധാനം ചെയ്ത ‘പുഴു’ എന്ന ചിത്രത്തിന് ശേഷം നവ്യനായരെയും സൌബിനെയും കേന്ദ്രകഥാപാത്രങ്ങളാക്കി സംവിധാനം ചെയ്യുന്ന ‘പാതിരാത്രി’ യുടെ ചിത്രീകരണം പൂർത്തിയായി. ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൽ നാസർ ആണ് നിർമ്മാണം. നവ്യ നായർ നായികയായി എത്തിയ ‘ഒരുത്തീ’ ആണ് ബെൻസി പ്രൊഡക്ഷൻസിന്റെ ഒടുവിലത്തെ ചിത്രം.
രാത്രി ഡ്യൂട്ടിയിലെ രണ്ട് പോലീസുകാരും തുടർന്ന് നടക്കുന്ന സംഭവവികാസങ്ങളുമാണ് പ്രമേയം. ഇലവീഴാ പൂഞ്ചിറയ്ക്ക് ശേഷം ഷാജി മാറാടിന്റെതാണു തിരക്കഥ. ചടങ്ങിൽ ചിത്രത്തിന്റെ ടൈറ്റിൽ സൌബിനും നവ്യനായരും ചേർന്ന് റിലീസ് ചെയ്തു. നവ്യനായരുടെ മാതാപിതാക്ളായ രാജുവും വീണയുമാണ് സ്വിച്ചോൺ കർമ്മം നിർവഹിച്ചത്. സംവിധായകൻ ഷാഹി കബീറും തിരക്കഥകൃത്ത് ഷാജി മാറാടും ചേർന്ന് റത്തീനയ്ക്ക് തിരക്കഥ കൈമാറി. സണ്ണി വെയ്ൻ, ശബരീഷ് വർമ്മ, ആൻ അഗസ്റ്റിൻ തുടങ്ങിയവരും പ്രധാന കഥാപാത്രങ്ങളായി എത്തുന്നുണ്ട്. ഛായാഗ്രഹണം ഷൈനാദ്ജലാൽ, സംഗീതം ജേക്സ് ബിജോയ്.
