റാഫി സംവിധാനം ചെയ്യുന്ന ‘വോയിസ് ഓഫ് സത്യനാഥന് ‘ ചിത്രത്തിന്റെ പോസ്റ്റര് പുറത്തിറങ്ങി. ദിലീപും ജോജു ജോര്ജ്ജുമാണ് ചിത്രത്തില് പ്രധാന കഥാപാത്രങ്ങളായി എത്തുന്നത്. ചിത്രത്തില് അനുശ്രീ അതിഥി താരമായും എത്തുന്നു. പഞ്ചാബി ഹൗസ് , ചൈന ടൌണ്, റിങ്ങ് മാസ്റ്റര്, തെങ്കാശിപ്പട്ടണം തുടങ്ങി റാഫി- ദിലീപ് കൂടുകെട്ടില് പുറത്തിറങ്ങിയ ചിത്രങ്ങളെല്ലാം ഹിറ്റായിരുന്നു. ദിലീപ്, എന് എം ബാദുഷ, ഷിനോയ് മാത്യു, രാജന് ചിറയില് തുടങ്ങിയവര് ചേര്ന്നാണ് ചിത്രം നിര്മ്മിക്കുന്നത്.
ചിത്രത്തിന്റെ കഥയും തിരക്കഥയും സംഭാഷണവും റാഫി തന്നെയാണ് ഒരുക്കുന്നത്. ഛായാഗ്രഹണം സ്വരൂപ് ഫിലിപ്പും എഡിറ്റിങ് ഷമീര് മുഹമ്മദും വസ്ത്രാലങ്കാരം സമീറ സനീഷും സംഗീതം അങ്കിത് മേനോനും കലാസംവിധാനം എം ബാവയും നിര്വഹിക്കുന്നു. രമേഷ് പിഷാരടി, അലന്സിയാര് ലോപ്പസ്, അനുപം ഖേര്, മകരന്ദ് ദേശ്പാണ്ഡേ, ജനാര്ദ്ദനന്, ഫൈസല്, അംബിക മോഹന്, ബെന്നി പി നായരമ്പലം, വീണാ നന്ദകുമാര്, സ്മിനു സിജോ തുടങ്ങിയവരാണ് ചിത്രത്തില് മറ്റ് കഥാപാത്രങ്ങളായി എത്തുന്നത്.
