സിബി പടിയറയുടെ രചനയിലും സംവിധാനത്തിലും പുറത്തിറങ്ങുന്ന ചിത്രം ‘മുകള്പ്പരപ്പി’ന്റെ ടീസര് നടന് ധ്യാന് ശ്രീനിവാസന് സോഷ്യല് മീഡിയയിലൂടെ റിലീസ് ചെയ്തു. മലബാറിലെ തെയ്യങ്ങളുടെ പശ്ചാത്തലത്തില് ഒരുങ്ങുന്ന ചിത്രമാണ് മുകള്പ്പരപ്പ്. സുനില് സൂര്യയാണ് ചിത്രത്തില് പ്രധാന കഥാപാത്രമായി എത്തുന്നത്. നായികയായി അപര്ണ്ണ ജനാര്ദനന് എത്തുന്നു. കണ്ണൂരിലെ ഒരു ഗ്രാമത്തിന്റെ പാരിസ്ഥിതിക പശ്ചാത്തലവും അന്തരീക്ഷവും അവിടത്തെ പാറഖനനവും ചാത്തുട്ടി പെരുവണ്ണാന്റെ ജീവിതവുമാണ് ചിത്രത്തില് പ്രമേയം.
പ്രണയവും തമാശയും ചിത്രത്തിലൂടെ കടന്നു പോകുന്നു. നടന് മാമുക്കോയ അവസാനമായി അഭിനയിച്ച ചിത്രമാണ് മുകള്പ്പരപ്പ്. നിരവധി പുതുമുഖങ്ങളും ചിത്രത്തില് അഭിനയിക്കുന്നു. ചിത്രത്തിന്റെ ഗാനരചയിതാവും സഹരചയിതാവുമായ ജെ പി തവറൂലാണ് നിര്മ്മാതാവ്. ചിത്രം ആഗസ്തില് റിലീസ് ആകുമെന്നാണ് സൂചന. ഊര്മിള ഉണ്ണി, ബിന്ദു കൃഷ്ണ, ശിവദാസ് മട്ടന്നൂര്, രാജിത മധു തുടങ്ങിയവരും ചിത്രത്തില് കഥാപാത്രങ്ങളായി വേഷമിടുന്നു. കൂടാതെ നിരവധി പുതുമുഖങ്ങളും തെയ്യം കലാകാരന്മാരും ചിത്രത്തില് അണിനിരക്കുന്നുണ്ട്. ജെ പി തവറൂലിന്റെ വരികള്ക്ക് പ്രമോദ് സാരംഗ്, ജോജി തോമസ് ഈണം പകരുന്നു. എഡിറ്റിങ് ലിന്സന് റാഫേലും പശ്ചാത്തല സംഗീതം അലന് വര്ഗീസും നിര്വഹിക്കുന്നു.
