സോഹൻ സീനുലാൽ രചനയും സംവിധാനവും നിർവഹിക്കുന്ന ചിത്രം ഡാൻസ് പാർട്ടി ഡിസംബറിൽ തിയേറ്ററുകളിൽ പ്രദർശനത്തിനെത്തും. വിഷ്ണു ഉണ്ണികൃഷ്ണൻ, ഷൈൻ ടോം ചാക്കോ, ശ്രീനാഥ് ഭാസി, ജൂഡ് ആൻറണി തുടങ്ങിയവർ പ്രധാനകഥാപാത്രങ്ങളായയെത്തുന്ന ചിത്രം ഓൾഗാ പ്രൊഡക്ഷൻസിന്റെ ബാനറിൽ റെജി പ്രോത്താസിസ്, നൈസി റെജി, എന്നിവരാണ് നിർമ്മിക്കുന്നത്. കൊച്ചി പശ്ചാത്തലമായി വരുന്ന ചിത്രത്തിൽ പ്രണയം കടന്നുവരുന്നുണ്ട്. സിനിമയുടെ പേര് പോലെതന്നെ നൃത്തത്തിനും സംഗീതത്തിനും ഏറെ പ്രാധാന്യമുണ്ട്.
രാഹുൽ രാജും ബിജിപാലും സംഗീതം ചിട്ടപ്പെടുത്തിയ ആറ് പാട്ടുകളാണ് ചിത്രത്തിൽ ഉള്ളത്. ഇതിൽ മൂന്നു ഗാനങ്ങൾ ഡാൻസുമായി ബന്ധപ്പെട്ടതാണ്. ദക്ഷിണേന്ത്യൻ കൊറിയോഗ്രാഫറായ ഷരീഫ് മാസ്റ്ററാണ് നൃത്തം ഒരുക്കിയിരിക്കുന്നത്. ശ്രദ്ധ ഗോകുൽ, പ്രയാഗ മാർട്ടിൻ തുടങ്ങിയവരാണ് ചിത്രത്തിൽ നായികമാരായി എത്തുന്നത്. സാജു നവോദയ, ജോളി ചിറയത്ത്, ബിനു തൃക്കാക്കര, ഫുക്രു, പ്രീതി രാജേന്ദ്രൻ, അഭിലാഷ് പട്ടാളം, മെക്കാർട്ടിൻ, സംജാദ് ബ്രൈറ്റ്, ജാനകി ദേവി, ഫൈസൽ, ഷിനിൽ, ജിനി, സുശീൽ, അമാര, ബിന്ദു, തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളായി എത്തുന്നത്. ഛായാഗ്രഹണം ബിനു കുര്യൻ, എഡിറ്റിങ് വി സാജൻ.
