ജിത്തുജോസഫ് ചിത്രം ‘വലതുവശത്തെ കള്ളൻ’ ; ചിത്രീകരണത്തിന് തുടക്കം കുറിച്ചു

നേര്, കൂമൻ, ദൃശ്യം, ദൃശ്യം 2, മമ്മി ആന്റ് മി, മെമ്മറീസ്, നുണക്കുഴി, മൈ ബോസ് എന്നീ ചിത്രങ്ങൾക്ക് ശേഷം ജിത്തുജോസഫ് സംവിധാനം ചെയ്യുന്ന ഏറ്റവും പുതിയ ചിത്രം ‘വലതുവശത്തെ കള്ളൻ’ എന്ന ചിത്രത്തിന്റെ പൂജ കർമ്മങ്ങൾ ഇടപ്പള്ളി ത്രീ ഡോട്സ് സ്റ്റുഡിയോയിൽ വെച്ച് നടന്നു. ജിത്തുജോസഫും ഭാര്യ ലിൻഡയും ചേർന്നാണ് ഭദ്രദീപം കൊളുത്തിയത്. നടൻ ജോജു ജോർജ്ജ് ഫസ്റ്റ് ക്ലാപ് അടിച്ചു. നിർമ്മാതാവ് ലിസ്റ്റിൻ സ്റ്റീഫൻ, ഷാജി നടേശൻ തുടങ്ങിയവർ ചടങ്ങിൽ പങ്കെടുത്തിരുന്നു. ഓഗസ്ത് സിനിമ, സിനിഹോളിക്സ്,ബെഡ് ടൈം എന്നീ ബാനറുകളിൽ ചിത്രം നിർമ്മിക്കുന്നത് ഷാജി നടേശൻ ആണ്. ഡിനു തോമസ് ഈലന്റെതാണു തിരക്കഥ.