ജയിൻ ക്രിസ്റ്റഫർ സംവിധാനം ചെയ്യുന്ന ചിത്രം ‘കാത്ത് കാത്തൊരു കല്യാണം’ തിയ്യേറ്ററുകളിലേക്ക്. ടോണി സിജിമോൻ, ക്രിസ്റ്റി ബെന്നറ്റ് എന്നിവരെ കേന്ദ്രമാക്കി ചെറുകര ഫിലിംസിന്റെ ബാനറിൽ മനോജ് ചെറുകരയാണ് ചിത്രം നിർമ്മിക്കുന്നത്. കുട്ടികൾ ജനിക്കാത്ത ഒരു ഗ്രാമത്തിന്റെ കഥയാണ് പ്രമേയം. തിരക്കഥയും സംഭാഷണവും നന്ദൻ നിർവഹിക്കുന്നു. ഭ്രമരം, പളുങ്ക്, ഛോട്ടാമുംബൈ, മായാവി, തുടങ്ങിയ ചിത്രങ്ങളിലൂടെ ബാലതാരമായി അഭിനയിച്ചുകൊണ്ട് ശ്രദ്ധനേടിയ താരമാണ് ടോണി സിജിമോൻ. ടോണി നായകനായി എത്തുന്ന മൂന്നാമത്തെ ചിത്രമാണ് കാത്ത് കാത്തൊരു കല്യാണം. ആൽബങ്ങളിലൂടെ അഭിനയിച്ച് ശ്രദ്ധേയ ആയ താരമാണ് ക്രിസ്റ്റി ബെന്നറ്റ്.
പ്രമോദ് വെളിയനാട്, വിനോദ് കുറിയന്നൂർ, റിയാസ് നെടുമങ്ങാട്, വിനോദ് കെടാമംഗലം, ജോബി, അരുൺ ബെല്ലന്റ, രതീഷ് കല്ലറ, സോജൻ കാവാലം, പ്രകാശ് ചക്കാല, ഷാജി മാവേലിക്കര, പ്രദീപ് പ്രഭാകർ, കണ്ണൻ സാഗർ, പൂത്തില്ലം ഭാസി, സിനിമോൾ ജിനേഷ്, ജിൻസി ചിന്നപ്പൻ, റോസ്, ആൻസി, മധു ഏഴംകുളം, ശ്രീജ കുറുപ്പ്, ബീന മരിയ, സന്തോഷ് അടവീശ്വര, ദിവ്യ ശ്രീധർ, അലീന സാജൻ, സുമ, നയന, അലീന, റെജി കോട്ടയം, സോജപ്പൻ കാവാലം, ലോനപ്പൻ കുട്ടനാട്, നൂജുമുദ്ദീൻ, തുടങ്ങിയവർ ചിത്രത്തിൽ അഭിനയിക്കുന്നു. കഥ, ക്യാമറ ക്രിസ്റ്റഫർ, എഡിറ്റിങ് വിജിൽ എഫ് എക്സ്, ഗാനരചന സെബാസ്റ്റ്യൻ ഒറ്റമശ്ശേരി. ചിത്രം നവംബർ 24- ന് തിയേറ്ററുകളിൽ എത്തും.
