നെല്സണ് ദിലീപ് കുമാര് സംവിധാനം ചെയ്ത് സൂപ്പര്സ്റ്റാര് രജനികാന്ത് നായകനായി എത്തുന്ന ചിത്രം ജയിലറിലെ പ്രൊമോ വീഡിയോയില് കിടിലന് ലുക്കില് എത്തിയിരിക്കുകയാണ് വിനായകന്. സണ് പിക്ചേഴ്സിന്റെ ബാനറില് കലാനിധി മാരന് നിര്മ്മിക്കുന്ന ചിത്രമാണ് ജയിലര്. ഓഗസ്ത് 10 നു ചിത്രം റിലീസാവാനുള്ള കാത്തിരിപ്പിലാണ് സിനിമാലോകവും ആരാധകരും. ശ്രീഗോകുലം മൂവീസിന്റെ ബാനറില് ഗോകുലം ഗോപാലനാണ് കേരളത്തില് ജയിലറുടെ വിതരണാവകാശം സ്വന്തമാക്കിയിരിക്കുന്നത്. ‘അണ്ണാത്തൈ’ എന്ന ചിത്രത്തിന് ശേഷം രജനികാന്ത് അഭിനയിക്കുന്ന ചിത്രമാണ് ജയിലര്. 110 കോടി രൂപ ഇദ്ദേഹം പ്രതിഫലം വാങ്ങിയെന്നാണ് അഭ്യൂഹം. ചിത്രത്തിന്റെ പ്രൊമോ വീഡിയോ സിനിമയുടെ അണിയറ പ്രവര്ത്തകര് പുറത്തുവിട്ടു.
നായകനും വില്ലനുമായെത്തുന്ന രാജനീകാന്തും വിനായകനും ചേര്ന്നുള്ള സീന് ആണ് പ്രൊമോ വീഡിയോയില് ഉള്ളത്. ചിത്രത്തിലെ ഗാനങ്ങളായ ‘കാവാലാ’ യും ‘ഹുക്കും’ സോഷ്യല് മീഡിയയില് വന് തരംഗമായി മാറിയിരിക്കുകയാണ്. ചിത്രത്തില് മാത്യു എന്ന കഥാപാത്രമായി മോഹന്ലാല് അതിഥി വേഷത്തില് എത്തുന്നതാണ് മറ്റൊരു സവിശേഷത. തമന്ന ഭാട്ടിയ ആണ് ചിത്രത്തിലെ നായിക. സംഗീതം അനിരുദ്ധും ആക്ഷന് സ്റ്റണ്ട് ശിവയും ഛായാഗ്രഹണം വിജയ് കാര്ത്തിക് കണ്ണനും നിര്വഹിക്കുന്നു. രമ്യ കൃഷ്ണന്, ശിവ് രാജ് കുമാര്, ജാക്കി ഷിറോഫ്, വിനായകന്, സുനില് തുടങ്ങിയ താരനിരകളും ചിത്രത്തില് അഭിനയിക്കുന്നു.
