ധ്യാൻ ശ്രീനിവാസന്റെ തിരക്കഥയിൽ വിനയ് ജോസ് സംവിധാനം ചെയ്ത് ധ്യാൻ ശ്രീനിവാസൻ നായകനായി എത്തുന്ന ചിത്രം ‘കോപ് അങ്കിൾ’ ന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഗുഡ് ആങ്കിൾ ഫിലിംസും ക്രിയ ഫിലിംസ് കോർപ്പറേഷനും നെക്സ്റ്റ് സ്റ്റുഡിയോസും ആണ് ചിത്രം ഒരുക്കുന്നത്. ഒരു ഫൺ ഫിൽഡ് എന്റർടൈനർ മൂവിയായിരിക്കും കോപ് അങ്കിൾ. സന്ദീപ് നാരായണൻ, രമേഷ് കറുത്തൂരി, പ്രേം എബ്രഹാം എന്നിവരാണ് നിർമാണം.
സൈജു കുറുപ്പ്, ശ്രിത ശിവദാസ്, അജു വർഗീസ്, ദേവിക, ജോണി ആൻറണി, ജാഫർ ഇടുക്കി തുടങ്ങിയവർ പ്രധാന വേഷത്തിൽ എത്തുന്നു. ഛായാഗ്രഹണം റോജോ തോമസ്, എഡിറ്റിങ് കണ്ണൻ മോഹൻ, സംഗീതം ശങ്കർ ശർമ്മ, ഗാനരചന മനു മഞ്ജിത്ത്, ഗായകർ വിനീത് ശ്രീനിവാസൻ, സിതാര കൃഷ്ണകുമാർ.
