കന്നഡ നടി ലീലാവതി അന്തരിച്ചു

നിരവധി ഹിറ്റ് സിനിമകളിലൂടെ ശ്രദ്ധേയയായ കന്നഡ നടി ലീലാവതി അന്തരിച്ചു. 85- വയസ്സായിരുന്നു. നേലമംഗലയിലെ സ്വകാര്യ ആശുപത്രിയിൽ വെള്ളിയാഴ്ച വൈകീട്ട് ആയിരുന്നു അന്ത്യം. അറുന്നൂറിലേറെ സിനിമകളിൽ ഇവർ അഭിനയിച്ചിട്ടുണ്ട്. കന്നഡ, തെലുഗ്, തമിഴ് സിനിമകളിലും മികച്ച കഥാപാത്രങ്ങളെ കൈകാര്യം ചെയ്തു. ഭക്ത പ്രഹ്ളാദ, ഭക്ത കുംബാര, മന മെച്ചിദ മഡദി, മംഗല്യ യോഗ തുടങ്ങിയ സിനിമകളിലെ അഭിനയം ശ്രദ്ധേയമായിരുന്നു. ദക്ഷിണ കന്നഡ ജില്ലയിലെ ബെൽത്തങ്ങാടിയിലായിരുന്നു ജനനം. 16 മത്തെ വയസ്സില് സിനിമയിൽ അരങ്ങേറ്റം കുറിച്ചു. ലീലവതിയുടെ നിര്യാണത്തിൽ മുഖ്യമന്ത്രി സിദ്ധരാമയ്യ അനുശോചനം രേഖപ്പെടുത്തി.