എം ആർ കാസിം സംവിധാനം ചെയ്യുന്ന ഏറ്റസവും പുതിയ ചിത്രം ‘അർജുൻ ബോധി- ദി ആൽക്കമിസ്റ്റ്’ എന്ന സിനിമയുടെ ചിത്രീകരണം തിരുവനന്തപുരത്ത് ചിത്രാഞ്ജലി സ്റ്റുഡിയോയിൽ ജനുവരി 14 ഞായറാഴ്ച ആരംഭിച്ചു. ഡി. കെ. സ്റ്റാർ ക്രിയേഷൻസിന്റെ ബാനറിൽ ദിവാകരൻ കോമല്ലൂർ ആണ് തിരക്കഥയും ഗാനങ്ങളും രചിച്ച് നിർമ്മിക്കുന്നത്. ഒരു സയന്റിസ്റ്റിന്റെ കത പറയുന്ന ചിത്രമാണ് ‘അർജുൻ ബോധി- ദി ആൽക്കമിസ്റ്റ്’. അർജുൻ ബോധിയുടെ കണ്ടുപിടിത്തവും അതിനെ വാണിജ്യവത്കരിക്കാനായി ശ്രമിക്കുന്ന മാഫിയ സംഘവും തുടർന്നുള്ള സംഘർഷങ്ങളുമാണ് ചിത്രത്തിൽ.
ശാസ്ത്രവും മതവും മനുഷ്യനന്മയ്ക്ക് വേണ്ടിയായിരിക്കണമെന്ന സന്ദേശം കൂടി നല്കുന്നുണ്ട് ഈ ചിത്രം. കൈലാഷ് നായകനായി എത്തുന്ന ചിത്രത്തിൽ സായ് കുമാർ, ചെമ്പിൽ അശോകൻ, ശോഭി തിലകൻ, മധുപാൽ, പ്രമോദ് വെളിയനാട്, അരിസ്റ്റോ സുരേഷ്, സലീം എസ്, റിനിൽ ഗൌതം, തുടങ്ങിയവരാണ് ചിത്രത്തിലെ അഭിനേതാക്കൾ. സംഗീതം റിനിൽ ഗൌതം, ഛായാഗ്രഹണം രഞ്ജിത് രവി. തിരുവനന്തപുരം മീൻമുട്ടി, അരുണാചൽ പ്രദേശ്, ടിബറ്റ്, പാതിരാമണൽ തുടങ്ങിയ ഇടങ്ങളിൽ ചിത്രീകരണം നടക്കും.
