ഏഴാമത് മലയാള പുരസ്കാരം പ്രഖ്യാപിച്ചു. മികച്ച നടനായി മമ്മൂട്ടിയെയും നടിയായി ഉര്‍വശിയെയും തിരഞ്ഞെടുത്തു. സൌദ ഷെരീഫിന്‍റെയും സന്തോഷ് മണ്ടൂരിന്‍റെയും ‘പനി’യാണ് മികച്ച ചിത്രം. മധു (ചലച്ചിത്ര രംഗം), ചിറ്റൂര്‍ ഗോപി (മലയാള ചലച്ചിത്ര ഗാനരംഗം), പി. വല്‍സല (സാഹിത്യരംഗം), സി രാധാകൃഷ്ണന്‍ (സാഹിത്യരംഗം), കൊച്ചൌസേഫ് ചിറ്റിലപ്പള്ളി (വ്യവസായ, സാമൂഹികരംഗം), തുടങ്ങിയവരെ സമഗ്രസംഭാവനയുടെ പേരില്‍ ആദരിക്കും.
മികച്ച സംവിധായകന്‍ നിസാം ബഷീര്‍ (റോഷാക്ക്), മികച്ച സംവിധായിക സ്റ്റഫി സേവ്യര്‍ (മധുര മനോഹര മോഹം), മികച്ച നിര്‍മ്മാതാവ് വേണു കുന്നപ്പിള്ളി (2018, മാളികപ്പുറം), മികച്ച സഹനടന്‍ ജോണി ആന്‍റണി (അനുരാഗം), മികച്ച സഹനടിമാരായി പൂര്‍ണിമ ഇന്ദ്രജിത്തിനെയും (തുറമുഖം), ബിന്ദു പണിക്കരെയും (റോഷാക്ക്) തിരഞ്ഞെടുത്തു. ശ്രീകാന്ത് മുരളി (പത്മിനി), ബിനോജ് വില്യ (പെന്‍ഡുലം), കെ ജി ഷൈജു (കായ് പോള),ദേവന്‍ ജയകുമാര്‍ (വാലാട്ടി), അമല്‍രാജ് (ക്രിസ്റ്റഫര്‍), പാര്‍വതി ആര്‍ കൃഷ്ണ (കഠിന കഠോരമീ അണ്ഡകടാഹം) തുടങ്ങിയവരെ പ്രത്യേക പുരസ്കാരം നല്കി ആദരിക്കും.
