ഇൻവെസ്റ്റിഗേറ്റർ ത്രില്ലർ ചിത്രം ‘ഈ തനി നിറം’ ചിത്രീകരണം പൂർത്തിയായി

അനൂപ് മേനോൻ കേന്ദ്രകഥാപാത്രമായി എത്തുന്ന ‘ഈ തനി നിറം’ എന്ന  ഇൻവെസ്റ്റിഗേറ്റർ ത്രില്ലർ ചിത്രത്തിന്റെ ഷൂട്ടിംഗ് പൂർത്തിയായി. നടൻ മാത്രമല്ല, സംവിധായകനും ഗാനരചയിതാവും കൂടിയാണ് അനൂപ് മേനോൻ. ധനുഷ് ഫിലിംസിന്റെ ബാനറിൽ എസ്. മോഹനൻ ആണ് നിർമ്മാണം. സംവിധായകരായ  കെ. മധു സ്വിച്ചോൺ കർമ്മവും ഭദ്രൻ ഫസ്റ്റ് ക്ലാപ്പും നല്കി. അന്വേഷണ ഉദ്യോഗസ്ഥനായ എസ് ഐ ഫെലിക്സ് ലോപ്പസ് എന്ന കഥാപാത്രമായാണ് അനൂപ് മേനോൻ എത്തുന്നത്. ഇന്ദ്രൻസ്, രമേഷ് പിഷാരടി, ദീപക് ശിവരാജൻ, അനഘ രോഹൻ, ആദർശ്   ഷേണായി, ആദർശ് ഷാനവാസ്, ജി. സുരേഷ് കുമാർ, ബാലു ശ്രീധർ, ആതിര, വിജിഷ, ഗൌരി ഗോപൻ, അജിത്ത്, രമ്യ മനോജ്, നോബി, പ്രസാദ് കണ്ണൻ, എന്നിവരാണു ചിത്രത്തിലെ മറ്റ് കഥാപാത്രങ്ങളായി എത്തുന്നത്. തിരക്കഥ അംബിക കണ്ണൻ ഭായ് നിർവഹിക്കുന്നു. ഗാനരചന  അനൂപ് മേനോൻ, രാജീവ് ആലുങ്കൽ, വിഷ്ണു, സംഗീതം ബിനോയ് രാജ് കുമാർ, എഡിറ്റിങ് അജു അജയ്.